ରାତି ଅଧରେ ପ୍ରେମିକାକୁ ଦେଖା କରିବା ଭାରି ପଡିଲା । ପ୍ରେମିକଙ୍କର ଏକ ଅଙ୍ଗକୁ ହାଣି ପକାଇଲେ ପେମିକାର ପରିବାର ଲୋକ । ଏଭଳି ଏକ ଅଭାବନୀୟ ଦୃଶ୍ୟ ଗୁଜୁରାଟର ଅମରେଲି ଜିଲ୍ଲାରେ ଦେଖିବାକୁ ମିଳିଛି ।
ପ୍ରକୃତରେ ଜଣେ ୨୩ ବର୍ଷିୟ ଯୁବକ ତାଙ୍କ ପ୍ରେମିକାକୁ ଦେଖା କରିବା ପାଇଁ ରାତି ଅଧରେ ତାଙ୍କ ଘରକୁ ଯାଇଥିଲେ । ମାତ୍ର ସେଠାରେ ପ୍ରେମିକାର ପରିବାର ଲୋକେ ଏକ ଅମାନବୀୟ କାଣ୍ଡ କରିଥିଲେ । ଯାହା ଆପଣଙ୍କୁ ଆଶ୍ଚର୍ଯ୍ୟ କରିଦେବ । ଆଜ୍ଞା ହଁ ପ୍ରେମିକାର ପରିବାର ଲୋକ ପ୍ରେମିକର ନାକକୁ ଛୁରୀରେ କାଟି ଦେଇଥିଲେ । ଯୁବକ ଜଣଙ୍କର ଦୋଷ ଥିଲା କି ସେ ରାତି ଅଧରେ ପ୍ରେମିକାକୁ ଦେଖା କରିବା ପାଇଁ ତାଙ୍କ ଘରକୁ ଯାଇଥିଲେ । ମାତ୍ର ସେ ଜାଣିନଥିଲେ ସେ ଏହି ରାତି ଅଧିଆ ଦେଖା ତାଙ୍କ ପାଇଁ ଭାରି ପଡିବ । ଏଭଳି ଅଭାବନୀୟ କାଣ୍ଡକୁ ନେଇ ଏବେ ଚାରିଆଡେ ଚର୍ଚ୍ଚ ଜୋର ଧରିଛି ।
ଯୁବକଙ୍କ ସହିତ ଏଭଳି ଘଟଣା ଘଟିବା ପରେ ସେ ପୋଲିସ ଷ୍ଟେସନରେ ଅଭିଯୋଗ କରିଥିଲେ । ଏହି ଘଟଣାରେ ପୋଲିସ ପାଞ୍ଚ ଜଣଙ୍କୁ ଗିରଫ କରିଛି । ପୀଡିତା ଜଣଙ୍କ ଜୀବାପୁର ଗାଁର ପ୍ରକାଶ କୋଲି ବୋଲି ଜାଣିବାକୁ ମିଳିଛି ।
ପୋଲିସ ମୁତାବକ, ପ୍ରକାଶ କୋଲି ଗତ ଶନିବାର ରାତିରେ ତାଙ୍କ ପ୍ରେମିକାଙ୍କୁ ଦେଖା କରିବାକୁ ଯାଇଥିଲେ । ସେହି ସମୟରେ ପ୍ରେମିକାର ଘର ଲୋକ ଏଭଳି ଜଘନ୍ୟ କାଣ୍ଡ କରିଥିଲେ । ତାପରେ ପ୍ରକାଶ ସିଧା ଥାନାର ପହଁଚିଥିଲେ ।
