ମହାରାଷ୍ଟ୍ର (ଏଟିଆର ବ୍ୟୁରୋ); ମହିଳାଙ୍କୁ କରାଯାଇଛି ନିବସ୍ତ୍ର । ଏଭଳି ଏକ ନିନ୍ଦନୀୟ ଘଟଣାରେ ୧୩ ଜଣ ସମ୍ପୃକ୍ତ ଥିବା ଅଭିଯୋଗ ହୋଇଛି । ୧୩ ଜଣ ଅଭିଯୁକ୍ତଙ୍କ ମଧ୍ୟରୁ ଦୁଇ ଜଣଙ୍କୁ ଗିରଫ କରିବାରେ ସକ୍ଷମ ହୋଇଛି କନ୍ନଡା ଥାନା ପୋଲିସ । ତେବେ ଏଭଳି ଏକ ଘଟଣା ଘଟିଛି ମହାରାଷ୍ଟ୍ରର ଔରଙ୍ଗାବାଦରେ । ପୋଲିସ ରିପୋର୍ଟ ଅନୁସାରେ ସ୍ଥାନୀୟ ଅଞ୍ଚଳରେ କଲଙ୍କି ନାମକ ଏକ ପୂଜାର ଆୟୋଜନ କରାଯାଇଥିଲା । ତେବେ ଏହି ପୂଜାକୁ ମହିଳାଙ୍କୁ ନିମନ୍ତ୍ରଣ କରାଯାଇଥିଲା ।
ମହିଳାଙ୍କୁ ନିମନ୍ତ୍ରଣ କରିବା ପାଇଁ ଆସିଥିଲେ ଜଣେ ଯୁବକ । ଯୁବକ ଜଣକ ହେଲେ ରାମଭାଉ ସିନ୍ଦେ । ତାଙ୍କୁ ପୂର୍ବରୁ କେବେ ଦେଖିନଥିଲେ ମହିଳା । ଏଣୁ ପ୍ରଥମେ ପୂଜାକୁ ଯିବା ପାଇଁ ସିଧା ସିଧା ମନା କରିଦେଇଥିଲେ । ଏବଂ ପରେ ବାରମ୍ବାର ଅନୁରୋଧ କରିବା ପରେ ପୂଜାରେ ଯୋଗ ଦେବା ପାଇଁ ରାଜି ହୋଇ ଯାଇଥିଲେ ମହିଳା ।
ଫାର୍ମର ଏକ ଛୋଟ କୋଠରୀରେ ହେଉଥିଲା ପୂଜା । ସେଠାରେ କିଛି ତାନ୍ତ୍ରିକ ମନ୍ତ୍ର ଉଚାରଣ କରୁଥିଲେ । ତେବେ ଏଭଳି ଏକ ଭକ୍ତିମୟ ପରିବେଶରେ ସେ ମଧ୍ୟ ସାମିଲ ହୋଇ ସମସ୍ତଙ୍କ ଭଳି ପୂଜାରେ ମଜି ଯାଇଥିଲେ । କିଛି ସମୟ ମନ୍ତ୍ର ପାଠ କରିବା ପରେ ତାନ୍ତ୍ରିକମାନେ ମହିଳାଙ୍କୁ ବସ୍ତ୍ର ଖୋଲିବା ପାଇଁ କହିଥିଲେ । ତେବେ ବସ୍ତ୍ର ଖୋଲିବା ପାଇଁ ମନା କରିଦେଇଥିଲେ ମହିଳା । ମାତ୍ର ସେଠାରେ ଉପସ୍ଥିତ ଥିବା ୧୩ଜଣ ଅଭିଯୁକ୍ତ ତାଙ୍କୁ ଜୋର ଜବରଦସ୍ତ ଲଙ୍ଗଳା କରିବା ପାଇଁ ଚେଷ୍ଟା କରିଥିଲେ । ଏବଂ ତାଙ୍କ କପଡାକୁ ମଧ୍ୟ ଚିରି ଦେଇଥିବା ଅଭିଯୋଗ ହୋଇଛି । ତେବେ କଳେବଳେ କୈଶଳେ ସେଠାରୁ ଖସି ଆସିବାରେ ସକ୍ଷମ ହୋଇଥିଲେ ମହିଳା ।
