ନୂଆଦିଲ୍ଲୀ (ଏଟିଆର ବ୍ୟୁରୋ):ବାହାଘରରେ ବୋହୂଟି ବିଦା ହେଲା ବେଳେ କାର୍ ମାଧ୍ୟମାରେ ଯାଇଥିବାର ଆପଣମାନେ ଦେଖିଥିବେ । ଏହାବ୍ୟତିତ ଆଜିକାଲିର ଫ୍ୟାଶନକୁ ନଜରରେ ରଖି କିଏ ଘୋଡା ଗାଡିରେ ବିଦା ହେଉଛନ୍ତି ତ ଆଉ କିଏ ପାଲିଙ୍କିରେ । କିନ୍ତୁ ନିକଟରେ ଏକ ହାଇପ୍ରୋଫାଇଲ ବିଦାଇ ସାମ୍ନାକୁ ଆସିଛି । ଆଜ୍ଞା ହଁ ବୁନ୍ଦେଲଖଣ୍ଡରେ ପୂର୍ବରୁ ଅନେକ ବଧୂ ହେଲିକପ୍ଟ ଯୋଗେ ବିଦା ହୋଇଥିବାର ଦେଖିବାକୁ ମିଳିଥିଲା । ମାତ୍ର ପ୍ରଥମ ଥର ପାଇଁ ଜଣେ ବୋହୂ ଚାର୍ଟର ପ୍ଲେନ୍ ଯୋଗ ତାଙ୍କ ଶ୍ୱଶୁର ଘରକୁ ବିଦା ହୋଇଛନ୍ତି । ଏହି ବାହାଘର କୌଣସି ସାଧାରଣ ବାହାଘର ନଥିଲା ବରଂ ଏକ ରାଜକୀୟ ବାହାଘର ଥିଲା । ହାଇପ୍ରୋଫାଇଲର ଏହି ବିଦାଇ ରାଜନୈତିକ ପରିବରାରେ ଦେଖିବାକୁ ମିଳିଛି । ସମାଜବାଦୀ ପାର୍ଟିର ଜିଲ୍ଲା ଅଧ୍ୟକ୍ଷ ଛତ୍ରପାଲ ଯାଦବଙ୍କ ପୁଅ ବିହାରର ପୂର୍ବତନ ମନ୍ତ୍ରୀ ତଥା ବର୍ତ୍ତମାନର ବିଧାୟକଙ୍କ ଝିଅ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଏହି ବାହାଘରରେ ବିହାରର ମୁଖ୍ୟମନ୍ତ୍ରୀ ନିତୀଶ କୁମାର ମଧ୍ୟ ସାମିଲ ଥିଲେ ।
କିଛି ମାସ ପୂର୍ବରୁ ଛତ୍ରପାଲ ସିଂହଙ୍କ ବଡ ପୁଅ ଜିତେନ୍ଦ୍ର ପ୍ରତାପ ସିଂହଙ୍କ ସହିତ ବିହାରର ବିଧାୟକ ଦାଦନ ପହଲବାନଙ୍କ ଝିଅ ପୁନୀତାଙ୍କ ସହିତ ବାହାଘର ଠିକ୍ ହୋଇଥିଲା । ଜିତେନ୍ଦ୍ର ଏବଂ ପୁନୀତା ଙ୍କ ବାହାଘର ବୁଧବାର ବିହାରର ରାଜଧାନୀ ପାଟନାରେ ଥିବା ଏକ ହୋଟେଲରେ ସମ୍ପନ୍ନ ହୋଇଛି ।
ଝାନ୍ସିରୁ ପାଟଣାର ଦୂରତା ଅଧିକ ହେବା ଯୋଗୁଁ ଚାର୍ଟର ପ୍ଲେ ଯୋଗେ ବରଯାତ୍ରୀ ବାହାରିଥିଲା । ବୁନ୍ଦେଲଖଣ୍ଡର ଏହା ପ୍ରଥମ ବିବାହ ଯେଉଁଠି ପ୍ରଥମ ଥର ପାଇଁ ବଧୂ ଚାର୍ଟର ପ୍ଲେନରେ ବିଦା ହୋଇଛନ୍ତି ।
୍ଖବରମୁତାବକ, ଛତ୍ରପାଲ ସିଂହଙ୍କ ର ଦୁଇଟି ପୁଅ ଏବଂ ଗୋଟିଏ ଝିଅ । ପ୍ରଥମେ ଝିଅର ବାହାଘର ହୋଇଯାଇଥିଲା । ସେ ମଧ୍ୟ ବାହା ହୋଇ ହେଲିକପ୍ଟର ଯୋଗେ ମଧ୍ୟପ୍ରଦେଶ ଯାଇଥିଲେ । ମାତ୍ର ପ୍ରଥମ ଥର ପାଇଁ ତାଙ୍କ ବଡ ପୁଅ ଚାର୍ଟର ପ୍ଲେନ ଯୋଗେ ଯାଇ ବାହା ହୋଇଛନ୍ତି ।
