ନୂଆଦିଲ୍ଲ୍ୀ ( ଏଟିଆର ବ୍ୟୁରୋ): ବୟସ ମାତ୍ର ଆଠ ବର୍ଷ । ଟଙ୍କା କ’ଣ ଭଲଭାବେ ସେ ଜାଣି ନାହାନ୍ତି । ହେଲେ ରୋଜଗାର କରିଛନ୍ତି ୧୮୪ କୋଟି ଟଙ୍କା । କଥାଟା ପଢିବା ପରେ ଆପଣଙ୍କୁ ଅଡୁଆ ଲାଗୁଥିବ ନିଶ୍ଚୟ । ହଁ ଆଜ୍ଞା କଥାଟା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଜଣେ ଆଠ ବର୍ଷ ପିଲାର ଭିଡିଓରୁ ୟୁଟ୍ୟୁବରୁ ୧୮୪ କୋଟି ଟଙ୍କା ଆୟ ହୋଇଛି । ସୂଚନା ଅନୁସାରେ ପିଲାଟି ଗତ ୧୧ ମାସ ତଳେ ଗୋଟିଏ ୟୁଟ୍ୟୁବ ଚ୍ୟାନେଲ ଆରମ୍ଭ କରିଥିଲେ । ଯେଉଁଥିରେ ସେ ନିଜ ଭିଡିଓ ଅପଲୋଡ କରୁଥିଲେ ।
ଯାହା ଫଳରେ ସେ ୟୁଟ୍ୟୁବରୁ ୧୮୪ କୋଟି ଟଙ୍କା ଆୟ କରି ପାରିଛନ୍ତି । ଏହି ପିଲାଟିର ନାଁ ରହିଛି ରେୟାନ କାଜି । ୨୦୧୯ରେ ସବୁଠାରୁ ଅଧିକ ୟୁଟ୍ୟବରେ ଟଙ୍କା କମାଇଥିବା ଲିଷ୍ଟ ପ୍ରକାଶ କରିଛି ୟୁଟ୍ୟୁବ । ଯେଉଁଥିରେ ଏହି ତଥ୍ୟ ସାମ୍ନାକୁ ଆସିଛି । ରେୟାନ ଖେଳଣା ସହିତ ଭିଡିଓ ବନାଉଛନ୍ତି । ରେୟାନଙ୍କ କେତେକ ଭିଡିଓକୁ ୧ ଆରବରୁ ବି ଅଧିକ ଥର ଲୋକେ ଦେଖି ସାରିଲେଣି । ଏହି ଚ୍ୟାନେଲର ନାଁ ରହିଛି ରେୟାନ ୱାଲଡ ।
