କୋଲକାତା (ଏଟିଆର ବ୍ୟୁରୋ): କୋଲକାତାରେ ଭୟାବହ ଅଗ୍ନିକାଣ୍ଡ । କୋଲକାତା କେନିଙ୍ଗ୍ ଷ୍ଟ୍ରିଟ୍ ଅଞ୍ଚଳରେ ଥିବା ବାଗ୍ରି ମାର୍କେଟରେ ନିଆଁ ଲାଗିଯାଇଛି । ନିଆଁକୁ ଆୟତ କରିବା ପାଇଁ ଦମକଳ ବାହିନୀର ୩୦ଟି ଗାଟି ଉପସ୍ଥିତ ରହିଛି । ଗତକାଲି ବିଳମ୍ବିତ ରାତିରେ ନିଆଁ ଲାଗିଥିବା ସୂଚନା ମିଳିଛି ।
ଏଥିରେ ଅନେକ ଦୋକାନ ଜଳିପୋଡି ପାଉଁଶ ହୋଇଯାଇଛି । କିନ୍ତୁ କୌଣସି ବ୍ୟକ୍ତି ଆହତ ହୋଇନଥିବା ଜଣାପଡିଛି । ମାର୍କେଟର ଆଖପାଖ ଅଞ୍ଚଳରେ ଥିବା କୋଠା ରୁ ଲୋକମାନଙ୍କୁ ସୁରକ୍ଷିତ ଭାବେ ବାହାରକୁ ବାହାର କରିବା ପଇଁ ଅଗ୍ନିଶମ ବିଭାଗ ଦଳ ପ୍ରୟାସ ଜାରି ରଖିଛନ୍ତି ।
ସୂଚନାନୁଯାୟୀ, ବାଗ୍ରୀ ବଜାରର ତଳ ମହଲାରେ ନିଆଁ ଲାଗି ଯାଇଛି । ଏଠାରେ ସର୍ବାଧିକ ଦୋକାନ ରହିଛି । ସେଥିମଧ୍ୟରୁ ଅଧିକ ଔଷଧ ଦୋକାନ ।
କୋଲାକାତା ମେୟର ସୋଭନ ଚାଟାର୍ଜିଙ୍କ କହିବାନୁଯାୟୀ, ‘ସରୁ ଗଳି ଏବଂ ବଡ କୋଠା ହୋଇଥିବାରୁ ଦଳକଳ କର୍ମିଙ୍କୁ ନିଆଁ ଲିଭାଇବା ପାଇଁ ଅସୁବିଧା ହେଉଥିଲା । ସେଥି ଲାଗି ଘରର ଝରକା ଗ୍ରିଲ୍ କାଟିବା ପାଇଁ ହାଇଡ୍ରିଲିଙ୍ଗ ସିଡି ଏବଂ ଗ୍ୟାସ କଟର ବ୍ୟବହାର କରି ଘର ଭିତରେ ପଶି ନିଆଁ ଲିଭାଇବାକୁ ପ୍ରୟାସ କରାଯାଇଥିଲା’ ।
