ନୂଆଦିଲ୍ଲୀ (ଏଟିଆର ବ୍ୟୁରୋ): ପ୍ଲେ-ଷ୍ଟୋରରେ ଉପଲବ୍ଧ ହେଲା ଜିମେଲ ଗୋ ଆପ୍ । ଗୁଗଲର ଏହି ଲାଇଟ ଆପ୍ କୁ ଡାଇନଲୋଡ କରି ପାରିବେ ସମସ୍ତ ଆଣ୍ଡ୍ରୋଏଡ ୟୁଜର୍ସ ।ଏହା ଜିମେଲ ଆପ୍ ର ଲାଇଟ ଭର୍ସନ ଏବଂ ଖାସକରି ଲୋ-ଆଣ୍ଡ ସ୍ପେସିଫିକେସନ୍ସ ଓ ଆଣ୍ଡ୍ରୋଏଡ ଗୋ ଏଡିସନ ସହିତ ଲଞ୍ଚ ହେବାକୁ ଥିବା ସ୍ମାର୍ଟଫୋନ ପାଇଁ ପ୍ରସ୍ତୁତ କରାଯାଇଛି ।
ଲାଇଟ ଜିମେଲ ଗୋ ଆପ୍ ରେ ସମସ୍ତ ଫିଚର୍ସ ମୁଖ୍ୟ ଜିମେଲ ଆପ୍ ଭଳି ରହିଛି । କିନ୍ତୁ ଏଥିରେ କୌଣସି ହେବି ଭିଜୁଆଲ ଏଲିମେଣ୍ଟଓ ନାହିଁ, ଯାହା ଅରିଜିନାଲ ଆପ୍ ରେ ଉପଲବ୍ଧ ଅଛି । ଏହି ଲାଇଟ ଜିମେଲ ଆପ୍ ରେ ଗୁଗଲ ମିଟ୍ ଇଂଟିଗ୍ରେସନ ଉପଲବ୍ଧ ନାହିଁ ।
ଜିମେଲ ଗୋ ଆପ୍ ରେ ଏକ ସ୍ମାର୍ଟ ଇନବକ୍ସ ରହିଛି ଯେଉଁଥିରେ ଆପଣ ଫ୍ରେଣ୍ଡସ ମାନଙ୍କ ଇମେଲ ଉପରେ ଫୋକସ କରି ପାରିବେ । ସୋସିଆଲ ଏବଂ ପ୍ରମୋଶନାଲ ଇମେଲ କୁ ଭିନ୍ନ କ୍ୟାଟେଗରାଇଜ କରାଯାଇ ପାରିବ । ଏହି ଜିମେଲ ଗୋ ଇନବକ୍ସ ରେ ଆସୁଥିବା ସ୍ପାମ କୁ ବ୍ଲକ କରି ଦେଇଥାଏ । ଏଥିରେ ମଲ୍ଟିପୁଲ ଆକାଉଣ୍ଟ ସପର୍ଟ ରହିଛି । ଏହାସହିତ ୧୫ଜିବି ଷ୍ଟୋରେଜ ମଧ୍ୟ ଉପଲବ୍ଧ ।
