ନୂଆଦିଲ୍ଲୀ (ଏଟିଆର ବ୍ୟୁରୋ):କରୋନା କାଳ ମଧ୍ୟରେ ଏବେ ବାରମ୍ବାର ହାତ ସାନିଟାଇଜ କରିବା ପାଇଁ କୁହାଯାଉଛି । ସଂକ୍ରମଣକୁ ରୋକିବାକୁ ହେଲେ ହାତ ସଫା ରଖିବା ନିହାତି ଆବଶ୍ୟକ । କିନ୍ତୁ କିଭଳି ଏବଂ କେତେ ପରିମାଣର ସାନିଟାଇଜ୍ ବ୍ୟବହାର କରିବେ ସେନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ କିଛି ଟିପ୍ସ ସେୟାର କରାଯାଇଛି । କୁହାଯାଇଛି କି ଆଲକୋହଲ ଯୁକ୍ତ ହ୍ୟାଣ୍ଡ ସାନିଟାଇଜର ବ୍ୟବହାର କରିବା ସମୟରେ କିଛି କଥା ପ୍ରତି ବିଶେଷ ଧ୍ୟାନ ରଖିବା ଜରୁରୀ ।
ବିଶ୍ୱ ସ୍ୱାସ୍ଥ୍ୟ ସଂଗଠନର ପରାମର୍ଶ ହେଉଛି, ପୁରା ହାତରେ ସାନିଟାଇଜ ଲଗାଇବା ଏବଂ ସଠିକ ଶୈଳୀରେ ଦୁଇ ପାପୁଲିକୁ ଘଷିବା । ଏଭଳି ପ୍ରକ୍ରିୟା ୨୦ ରୁ ୩୦ ସେକେଣ୍ଡ ପର୍ଯ୍ୟନ୍ତ କରିବା ଉଚିତ୍ ।
ସାନିଟାଇଜରରେ ଥିବା ଆଲକୋହଲ କୌଣସି ବି ପ୍ରାସଙ୍ଗିକ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିବାକୁ ଦର୍ଶା ଯାଇନାହିଁ । ଅଲକୋହଲ ଅଳ୍ପ ମାତ୍ରା ଚର୍ମରେ ଅବଶୋସିତ ହୋଇଥାଏ । ଅଧିକାଂଶ ସାମଗ୍ରୀରେ ଚର୍ମର ଶୁଷ୍କତାକୁ ହ୍ରାସ କରୁଥିବା ଏକ ପ୍ରଭାବ ରହିଥାଏ ।
ବିଶେଷଜ୍ଞମାନେ ମଧ୍ୟ ହାତ ଧୋଇବା ପାଇଁ ସାବୁନ ଏବଂ ପାଣି ବ୍ୟବହାର କରିବାକୁ ପରାମର୍ଶ ଦେଇଛନ୍ତି । ବାରମ୍ବାର ହ୍ୟୃାଣ୍ଡ ସାନିଟାଇଜର ବ୍ୟବହାର କରିବା ନିରାପଦ ଅଟେ । ଅଲକୋହଲ ଯୁକ୍ତ ସାନିଟାଇଜର ଆଣ୍ଟିବାୟୋଟିକ ପ୍ରତିରୋଧ ସୃଷ୍ଟି କରେ ନାହିଁ ।
ବିଶ୍ୱ ସ୍ୱାସ୍ଥ୍ୟ ସଂଗଠନର କହିବାନୁଯାୟୀ ଯଦି କେହି ସାର୍ବଜନିକ ସ୍ଥାନରେ ସାନିଟାଇଜର ବ୍ୟବହାର କରନ୍ତି ତେବେ ଜୀବାଣୁର ବିପଦ କମିଯାଏ ।
ସେହିପରି ହାତ ଗ୍ଲୋବ୍ସ ପିନ୍ଧିବା ହାତ ସ୍ୱଚ୍ଛତା ସ୍ଥାନ ନେଇ ପାରିବ ନାହିଁ । ସେଥିପାଇଁ ବାରମ୍ବାର ହାତ ଧୋଇବା ଉଚିତ୍ । ସ୍ୱାସ୍ଥ୍ୟ ସେବା କର୍ମୀମାନେ କେବଳ ତାଙ୍କ କାମରେ ଗ୍ଲୋବ୍ସ ପିନ୍ଧିଥାନ୍ତି ।
