ମୁମ୍ବାଇ(ଏଟିଆର ବ୍ୟୁରୋ): ନ୍ୟୁଜିଲାଣ୍ଡ ବିପକ୍ଷରେ ହେବାକୁ ଥିବା ଟେଷ୍ଟ ସିରିଜର ଦୁଇଟି ମ୍ୟାଚ ପାଇଁ ଭାରତୀୟ ଦଳ ଘୋଷଣା କରାଯାଇଛି । ଦଳରେ ରୋହିତ ଶର୍ମା ବାଦ ପଡିଛନ୍ତି । ନ୍ୟୁଜିଲାଣ୍ଡ ବିପକ୍ଷରେ ହେଉଥିବା ଶେଷ ଟି-୨୦ ସିରିଜରେ ରୋହିତଙ୍କ ବାମ ଗୋଡ ମାଂସପେଶୀରେ ଆଘତ ଲାଗିଥିଲା । ତେଣୁ କରି ସେ ସଂଗେ ସଂଗେ ପଡିଆ ଛାଡିଥିଲେ । ରୋହିତଙ୍କ ଗୋଡରେ ଜୋରରେ ଆଘାତ ଲାଗିଥିବାରୁ ଆଗାମୀ ଦିନିକିଆ ସିରିଜରୁ ମଧ୍ୟ ବାଦ୍ ଦିଆଯାଇଛି । ଟେଷ୍ଟ ସିରିଜ ପାଇଁ ଚୟନ କତ୍ତା ମାନେ ରୋହିତଙ୍କ ସ୍ଥାନରେ ମୟଙ୍କ ଅଗ୍ରୱାଲଙ୍କୁ ଦଳରେ ସାମିଲ କରିଛନ୍ତି । ଏହା ସହ ମୟଙ୍କ ଅଗ୍ରୱାଲ ଓ ପୃଥୀ ସ୍ୱ ଟେଷ୍ଟ ସିରିଜରେ ଓପନ ଭାବେ ଚୟନ କରାଯାଇଛି । ଏହି ଦୁଇଟି ଟେଷ୍ଟ ମ୍ୟାଚ ଫେବୃଆରୀ ୨୧ ଓ ୨୯ ତାରିଖରେ ଖେଳାଯିବ ।
ତେବେ ଭାରତୀୟ ଦଳରେ ଅଧିନାୟକ ବିରାଟ କୋହଲି, ଉପ ଅଧିନାୟକ ଆଜିଙ୍କ୍ୟ ରାହାଣେ, ମୟଙ୍କ ଅଗ୍ରୱାଲ, ପୃଥ୍ୱୀ ସ୍ୱ, ଶୁଭମ ଗିଲ୍, ଚେତେଶ୍ୱର ପୂଜାରା, ହନୁମାନ ବିହାରୀ, ରିଦ୍ଧିମାନ ଶାହା, ରିଷଭ ପନ୍ଥ, ରବିଚନ୍ଦ୍ରର ଅଶ୍ୱିନୀ, ରବିନ୍ଦ୍ର ଜାଡେଜା, ଜଶପ୍ରିତ ବୁମରାହ, ଉମେଶ ଯାଦବ, ମହମ୍ମଦ ସାମି, ନଭଦୀପ ସାଇନି, ଇଶାନ୍ତ ଶର୍ମା ।
ତେବେ ନ୍ୟୁଜିଲାଣ୍ଡ ଗସ୍ତରେ ଥିବା ଭାରତୀୟ ଦଳ ଆସନ୍ତା କାଲିଠାରୁ ନ୍ୟୁଜିଲାଣ୍ଡ ବିପକ୍ଷରେ ଦିନିକିଆ ଖେଳିବ । ଏହା ପରେ ଆସନ୍ତା ୮ ତାରିଖରେ ଦ୍ୱିତୀୟ ଓ ୧୧ ତାରିଖରେ ତୃତୀୟ ଦିନିକିଆ ମ୍ୟାଚ ଖେଳା ଯିବ ।
