ନୂଆଦିଲ୍ଲୀ (ଏଟିଆର ବ୍ୟୁରୋ): ଭାରତୀୟ ବାୟୁସେନା ଆଜି ତାର ୮୯ତମ ପ୍ରତିଷ୍ଠା ଦିବସ ପାଳନ କରୁଛି । ଦେଶକୁ ଗୌରବାନ୍ୱିତ କରୁଥିବା ଏହି ଅବସରରେ ଗାଜିଆବାଦ ସ୍ଥିତ ହିନ୍ଦନ ଏୟାରବେସରେ ଭବ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ବର୍ତ୍ତମାନ ଭାରତୀୟ ଜେଟ ଏବଂ ହେଲିକପ୍ଟର ହିନ୍ଦନ ଏୟାରବେସରେ ନିଜର ଶକ୍ତି ପ୍ରଦର୍ଶନ କରୁଛି। ଏହାପୂର୍ବରୁ ଆଜି ସେଠାରେ ବାୟୁସେନା କର୍ମଚାରୀମାନେ ଚମତ୍କାର କାର୍ୟ୍ୟ ମାଧ୍ୟମରେ ନିଜର ସାହସିକତା ପ୍ରଦର୍ଶନ କରିଛନ୍ତି ।
ସୂଚନାଯୋଗ୍ୟ , ଚଳିତବର୍ଷ ବାୟୁସେନା ଦିବସ ପ୍ୟାରେଡରେ ୭୫ ଟି ଜେଟ୍ ଅଂଶ ଗ୍ରହଣ କରିଛନ୍ତି ।
ଭାରତୀୟ ବାୟୁସେନା ଦିବସ ଅବସରରେ ହିନ୍ଦନ ଏୟାରବେସରେ ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶଲ ବିବେକ ରାମ ଚୌଧରୀ, ନୌସେନା ପ୍ରମୁଖ କରମବୀର ସିଂହ, ସେନା ପ୍ରମୁଖ ଜେନେରାଲ ମନୋଜ ମୁକୁନ୍ଦ ନରଭଣେ, ଚିଫ୍ ଅଫ୍ ଡିଫେନ୍ସ ଷ୍ଟାଫ ଜେନେରାଲ ବିପିନ ରାୱତ ପ୍ରମୁଖ ଉପସ୍ଥିତ ଅଛନ୍ତି ।
