ନୂଆଦିଲ୍ଲୀ (ଏଟିଆର ବ୍ୟୁରୋ ) ; ଅକ୍ଟୋବର ମାସରେ ଜିଏସଟି ଆଦାୟ ୧ ଲକ୍ଷ କୋଟି ଟପିଲା । ଦେଶରେ ଜିଏସଟି ଆଦାୟ ୧ ଲକ୍ଷ କୋଟି ଟଙ୍କା ଟପିଛି ବୋଲି ଅର୍ଥମନ୍ତ୍ରୀ ଅରୁଣ ଜେଟଲୀ କହିଛନ୍ତି । ଗତ ଅକ୍ଟୋବରରେ ମାତ୍ର ୬୭ ଲକ୍ଷ ୪୫ ହଜାର ବ୍ୟବସାୟୀ ଜିଏସଟି ରିଟର୍ଣ୍ଣ ଦାଖଲ କରିଥିବା ବେଳେ ଏକାର ଆଦାୟର ମୁଲ୍ୟ ୧ ଲକ୍ଷ କୋଟି ରେ ପହଞ୍ଚିଥିବା ଅର୍ଥମନ୍ତ୍ରଣାଳୟ ତରଫରୁ କୁହାଯାଇଛି । ଗତ ଆକ୍ଟୋବରରେ ମୋଟ ୧ ଲକ୍ଷ ୭୧୦ କୋଟି ଟଙ୍କାର ଜିଏସଟି ଆଦାୟ ହୋଇଛି । ଆକ୍ଟୋବର ମାସରେ ପୂଜା ପାର୍ବଣ ଋତୁ ଥିବାରୁ ଜିଏସଟି ଆଦାୟରେ ବୃଦ୍ଧି ଘଟିଛିି । ଏହାସହ ଜିଏସଟି ଠକେଇ ବିରୋଧରେ ପଦକ୍ଷେପ ନିଆଯିବା କାରଣରୁ ଆଦାୟରେ ଏହା ସହାୟକ ହୋଇଛି ବୋଲି ଅନୁମାନ କରାଯାଉଛି । ତେବେ ପୂର୍ବରୁ ଗତ ଏପ୍ରିଲ ମାସରେ ପ୍ରଥମ ଥର ଲାଗି ଜିଏସଟି ଆଦାୟ ୧ ଲକ୍ଷ କୋଟି ୩ ହଜାର ୪୫୮କୋଟି ଟଙ୍କା ହୋଇଥିଲା । ସେହିପରି ମେ ମାସରେ ୯୪ ହଜାର ୧୬କୋଟି , ଜୁନ ମାସରେ ୯୫ ହଜାର ୬୧୦ କୋଟି , ଜୁଲାଇମାସରେ ୯୬,୪୮୩ କୋଟି ଅଗଷ୍ଟ ମାସରେ ୯୩, ୯୬୦ କୋଟି ଓ ସେପ୍ଟେମ୍ବର ମାସରେ ୯୪ ହଜାର ୪୪୨ କୋଟି ଆଦାୟ ହୋଇଥିଲା ।
