ନୂଆଦିଲ୍ଲୀ(ଏଟିଆର ବ୍ୟୁରୋ): ଆଇପିଏଲର ୧୩ତମ ସଂସ୍କରଣ ଆୟୋଜନ ହେବାକୁ ଥିବା ବେଳେ ଏହାକୁ କ୍ରିକେଟ ପ୍ରେମୀ ଚାତକ ପରି ଚାହିଁ ରହିଛନ୍ତି । ସେପ୍ଟେମ୍ବର ୧୯ରୁ ଆରମ୍ଭ ହେବାକୁ ଥିବା ଆଇପିଏଲ ମ୍ୟାଚ ପାଇଁ ଏମିରେଟସ କ୍ରିକେଟ ବୋର୍ଡ (ଇସିବି) ଭାରତୀୟ କ୍ରିକେଟ ବୋର୍ଡ (ବିସିସିଆଇ) ନିକଟରୁ ମଞ୍ଜୁରୀ ମିଳିଥିବା ନେଇ ଇସିବି ସ୍ପଷ୍ଟ କରିଛି । ଆଇପିଏଲର ସମସ୍ତ ମ୍ୟାଚ ଦୁବାଇରେ ଆୟୋଜିତ ହେବ ।
ସେପଟେ ଆଇପିଏଲ ମ୍ୟାଚକୁ ତଦାରଖ କରିବା ପାଇଁ ବିସିସିଆଇର ଟିମ ଦୁବାଇ ଗ୍ରସ୍ତ କରିବା ସହ ସେଠାରେ ହୋଟଲେରେ ୬ଦିନ କ୍ୱାରେଣ୍ଟିନରେ ରହିବେ । କ୍ୱାରେଣ୍ଟିନରେ ପରେ ବିଭିନ୍ନ ସ୍ଥାନ ଗ୍ରସ୍ତ କରି ସମସ୍ତ ସ୍ଥିତି ଅନୁଧ୍ୟାନ କରିବେ । ସେପଟେ ଆଇପିଏଲ ମ୍ୟାଚ ଆରମ୍ଭ ହେବା ଆଗରୁ ରାଜସ୍ଥାନ ରୟାଲସ ଟିମକୁ ଧକା ଲାଗିଛି । ରାଜସ୍ଥାନ ରୟାଲସର ଫିଲଡିଙ୍ଗ କୋଚ ଦିଶାନ୍ତ ୟାଗନିକ କରୋନା ମହାମାରୀରେ ଆକ୍ରାନ୍ତିତ ହୋଇଛନ୍ତି । ତାଙ୍କ ଚିକିତ୍ସା ନିମନ୍ତେ ତାଙ୍କୁ ମେଡିକାଲ ସ୍ଥାନାନ୍ତରଣ କରିଯାଇଥିବା କଥା ଫ୍ରାଞ୍ଚାଇଜି ପକ୍ଷରୁ କୁହାଯାଇଛି ।
