ନୂଆଦିଲ୍ଲୀ(ଏଟିଆର ବ୍ୟୁରୋ): ଭାରତୀୟ କ୍ରିକେଟ ଦଳର ଦୃତ ବୋଲର ଭାବେ ପରିଚିତ ଜସପ୍ରିତ ବୁମରାହଙ୍କୁ ସର୍ବଶ୍ରେଷ୍ଠ ଅନ୍ତରାଷ୍ଟ୍ରିୟ କ୍ରିକେଟର ବା ‘ପଲି ଉମରିଗର୍’ ସମ୍ମାନରେ ସମ୍ମାନୀତ କାରଯିବ ।
ଆସନ୍ତା ରବିବାର ଦିନ ହେବାକୁ ଥିବା ବିସିସିଆଇର ବାର୍ଷିକ ପୁରଷ୍କାର ବିତରଣ ଉତ୍ସବରେ ବୁମରାହଙ୍କୁ ଏହି ସମ୍ମାନରେ ସମ୍ମାନିତ କରାଯିବ ବୋଲି ବିସିସିଆଇ ପକ୍ଷରୁ ସୁଚନା ମିଳିଛି ।
୨୦୧୮-୧୯ ବର୍ଷରେ ଜସପ୍ରିତ ବୁମରାହ ଭାରତୀୟ କ୍ରିକେଟ ଦଳ ମଧ୍ୟରେ ସବୁଠାରୁ ଭଲ ପ୍ରଦର୍ଶନ କରିଥିଲେ । ‘ପଲି ଉମରିଗର’ ଆୱାର୍ଡ ସହିତ ବର୍ଷରେ ସବୁଠାରୁ ଅଧିକ ୱିକେଟ ନେଇଥିବାରୁ ବୁମରାହଙ୍କୁ ‘ଦିଲିପ୍ ସରଦେଶାଇ’ ଆୱାର୍ଡରେ ମଧ୍ୟ ସମ୍ମାନୀତ କରାଯିବ ।
ଏହି ଆୱାର୍ଡ ସମାରୋହରେ ବିସିସିଆଇ ପକ୍ଷରୁ ଚିତେଶ୍ୱର ପୁଜାରା ଓ ମୟଙ୍କ ଅଗ୍ରୱାଲଙ୍କୁ ମଧ୍ୟ ସମ୍ମାନୀତ କରାଯିବ । ଏମାନଙ୍କ ସହିତ ପୁର୍ବ ମହିଳା ଖେଳାଳୀ ଅଂଜୁମ ଚୋପ୍ରାଙ୍କୁ ବିସିସିଆଇ ପକ୍ଷରୁ ‘ଲାଇଫଟାଇମ ଆର୍ଚିଭମେଣ୍ଟ’ ଆୱାର୍ଡରେ ସମ୍ମାନୀତ କରାଯିବ ।
