ମୁମ୍ବାଇ ( ଏଟିଆର ବ୍ୟୁରୋ): ବଲିଉଡ ଜିରୋ ଫିଗର ଗାର୍ଲ କରିନା କପୁର ବର୍ତ୍ତମାନ ଜି ଟିଭିର ରିୟଲିଟି ସୋ “ ଡ୍ୟାନ୍ସ ଇଣ୍ଡିଆ ଡ୍ୟାନ୍ସ’’ ରେ ଜର୍ଜ ଭାବେ ନଜର ଆସୁଛନ୍ତି । ଆପଣ ମାନେ ସମସ୍ତେ ଜାଣିଥିବେ ଟିଭି ମାନଙ୍କରେ ହେଉଥିବା ରିୟଲିଟି ସୋ ମାନଙ୍କରେ ଏବେ ବଲିଉଡର ବହୁ ନାମୀଦାମୀ ଅଭିନେତା ଓ ଅଭିନେତ୍ରୀ ମାନେ ରିୟଲିଟି ସୋ ହୋଷ୍ଟ ଓ ଜର୍ଜ ଭାବେ କାର୍ଯ୍ୟ କରୁଥିବା ଦେଖିବାକୁ ମିଳୁଛି ।
ଏକ ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଡ୍ୟାନ୍ସ ଇଣ୍ଡିଆ ଡ୍ୟାନ୍ସର ଗୋଟିଏ ଏପିସୋଡ ପାଇଁ ଅଭିନେତ୍ରୀ କରିନା କପୁର ୩ କୋଟି ଟଙ୍କା ଦାବି କରୁଥିବା ସୂଚନା ମିଳିଛି । ତେବେ ଏହାକୁ ନେଇ ଏହି ଅଭିନେତ୍ରୀ କହିଛନ୍ତି ଯାହା ତାଙ୍କୁ ମିଳୁଛି ସେ ସେତିକି ଟଙ୍କା ପାଇବାକୁ ଯୋଗ୍ୟ । ଯଦି ପୁରୁଷ କଳାକାରଙ୍କୁ ଏତେ ଟଙ୍କା ଦିଆ ଯାଉଛି ତ ମହିଳା କଳାକାରଙ୍କୁ କାହିଁକି ନୁହେଁ ।
ସୂଚନାଯୋଗ୍ୟ କରିନା ବର୍ତ୍ତମାନ ଲଣ୍ଡନରେ ନିଜ ପରିବାର ସହିତ ଛୁଟି କାଟୁଛନ୍ତି । ଏହି ସୋ ପାଇଁ ସେ ମୁମ୍ବାଇ ଆସୁଛନ୍ତି । କରିନା ଆଗକୁ ଆସିବାକୁ ଥିବା ସିନେମା ‘ ଗୁଡ ନ୍ୟୁଜ’ ରେ ଖିଲାଡି ଅକ୍ଷୟ କୁମାରଙ୍କ ସହିତ ସ୍କ୍ରିନ ସେୟାର କରିବେ । କରିନାଙ୍କ ସମେତ କିଆରା ଆଡଭାନି ମଧ୍ୟ ଏହି ସିନେମାରେ ନଜର ଆସିବେ ।
