ନୂଆଦିଲ୍ଲୀ (ଏଟିଆର ବ୍ୟୁରୋ): ଦିଲ୍ଲୀରେ ବିଧାନସଭା ଫଳାଫଳ ଆସିବା ପରଠାରୁ ଆମ ଆଦମୀ ପାର୍ଟିରେ ଖୁସିର ମାହୋଲ ଖେଳିଯାଇଛି । ତୃତୀୟ ଥର ପାଇଁ କେଜ୍ରିବାଲଙ୍କୁ ମୁଖ୍ୟମନ୍ତ୍ରୀ ଗାଦରେ ବସାଇଛନ୍ତି ଦିଲ୍ଲୀବାସୀ । ଦିଲ୍ଲୀରେ କ୍ଷମତା ଦଖଲ କରିବା ପରେ ଅରବିନ୍ଦ କେଜ୍ରିୱାଲ ସମସ୍ତ ଦିଲ୍ଲୀବାସୀଙ୍କୁ ଧନ୍ୟବାଦ ଜଣାଇଛନ୍ତି । ଫଳାଫଳ ପ୍ରକାଶ ପାଇବା ପରେ କେଜ୍ରିବାଲ ଦଳର ମୁଖ୍ୟାଳୟରେ ଦିଳ୍ଲୀବାସୀଙ୍କୁ ଧନ୍ୟବାଦ ଦେଇ କହିଛନ୍ତି , ‘ଦିଲ୍ଲୀ ବାଲୋଁ ଗଜବ୍ କରିଦିଆ ଆପ୍ ଲୋଗୋନେ, ଆଇ ଲଭ୍ ୟୁ’ ।
ଫଳାଫଳ ପ୍ରକାଶ ପାଇବା ପରେ କେଜ୍ରିବାଲ ଭାରତ ମାତା କି ଜୟ ନାରା ଦେବା ସହ ସମସ୍ତ ଦିଲ୍ଲୀବାସୀଙ୍କୁ ଆଇ ଲଭ ୟୁ କହିଛନ୍ତି । ସେ ଆହୁରୀ ମଧ୍ୟ କହିଛନ୍ତି, ଲୋକେ ସେହି ଦଳକୁ ଜିତାଇବେ ଯେ ଲୋକଙ୍କ ପାଇଁ କାମ କରିବ । ତାଙ୍କୁ ୨୪ଘଣ୍ଟିଆ ଭଲ ବିଜୁଳି, ସ୍ୱାସ୍ଥ୍ୟ ସେବା ଭଳି ଛୋଟ ଚୋଟ ଆବଶ୍ୟକତା ପୂରଣ କରିପାରିବ । ଦିଲ୍ଲୀବାସୀ ଆଜି ଦେଶରେ ଏକ ନୂଆ ପ୍ରକାର ରାଜନୀତିକୁ ଜନ୍ମ ଦେଇଛନ୍ତି। ଯାହାର ନାଁ ହେଲା ‘କାମ୍ କି ରାଜନୀତି’। ଏହି ବିଜୟ କେବଳ ମୋର ବିଜୟ ନୁହେଁ ଏହି ବିଜୟ ସମଗ୍ର ଦିଲ୍ଲୀବାସୀଙ୍କର ବିଜୟ ଅଟେ । ଏଥିସହିତ କେଜ୍ରିୱାଲ୍ ପାର୍ଟିର କାର୍ୟ୍ୟକର୍ତ୍ତା ଓ ପରିବାରକୁ ଧନ୍ୟବାଦ ଦେଇଛନ୍ତି। ପରିବାର କଥା କହୁ କହୁ ତାଙ୍କ ପତ୍ନୀଙ୍କର ଆଜି ଜନ୍ମଦିନ ବୋଲି ଜନତାଙ୍କୁ ଜଣାଇଥିଲେ କେଜ୍ରିୱାଲ।
