ନୂଆଦିଲ୍ଲୀ (ଏଟିଆର ବ୍ୟୁରୋ); ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ‘ମନ କି ବାତ୍’ରେ ତାଞ୍ଜାନିଆର ଟିକଟକ୍ ଷ୍ଟାର କିଲି ଏବଂ ନୀମାଙ୍କ ବିଷୟରେ ଆଲୋଚନା କରିଛନ୍ତି । ସେ କହିଛନ୍ତି, “ଭାରତୀୟ ସଂସ୍କୃତି ଏବଂ ଆମର ଦେଶର ଐତିହ୍ୟ ବିଷୟରେ ଆଲୋଚନା କରି ଆଜି ମୁଁ ଆପଣଙ୍କୁ ‘ମନ୍ କି ବାତ୍’ ରେ ଦୁଇ ଜଣଙ୍କ ସହ ପରିଚିତ କରିବାକୁ ଚାହୁଁଛି। ମୁଁ ନିଶ୍ଚିତ, ଆପଣ ମଧ୍ୟ ସେମାନଙ୍କ ବିଷୟରେ ନିଶ୍ଚୟ ଶୁଣିଥିବେ । ପ୍ରଧାନମନ୍ତ୍ରୀ କହିଛନ୍ତି ଯେ କିଲ ଏବଂ ନୀମାଙ୍କର ଭାରତୀୟ ସଙ୍ଗୀତ ପ୍ରତି ଏକ ଉତ୍ସାହ ଅଛି ଏବଂ ସେଥିପାଇଁ ସେମାନେ ମଧ୍ୟ ବହୁତ ଲୋକପ୍ରିୟ ।
ପିଏମ ମୋଦୀଙ୍କ ର କଥା ଶୁଣି ସମସ୍ତଙ୍କ ମନରେ କେବଳ ଗୋଟିଏ ପ୍ରଶ୍ନ ଉଠିଛି ‘ଏହି କିଲି ପଲ ଏବଂ ତାଙ୍କ ଭଉଣୀ ନୀମା କିଏ? ସେମାନେ କ’ଣ କରନ୍ତି ଯେଉଁଥିପାଇଁ ସେମାନେ ଭାରତରେ ଏତେ ଲୋକପ୍ରିୟ? ‘ ଆସନ୍ତୁ ଜାଣିବା
କିଲି ଏବଂ ନୀମା ହେଉଛନ୍ତି ତାଞ୍ଜାନିଆର ଭାଇ-ଭଉଣୀ ଯୋଡି, ଯେଉଁମାନେ ଅନ୍-ପଏଣ୍ଟ୍ ଲିପ୍-ସିଙ୍କ୍ ଭିଡିଓ ଏବଂ ଗ୍ରୋଭି କୋରିଓଗ୍ରାଫି ସହିତ ନେଟିଜେନ୍ସର ହୃଦୟକୁ କାବୁ କରିଛନ୍ତି । କିଲିଙ୍କ ଇନଷ୍ଟାଗ୍ରାମ ପ୍ରୋଫାଇଲ୍ ଅନୁସାୟୀ ସେ ଜଣେ ନୃତ୍ୟଶିଳ୍ପୀ ଏବଂ ବିଷୟବସ୍ତୁ ନିର୍ମାତା । ଇନଷ୍ଟାଗ୍ରାମରେ କିଲି ପଲଙ୍କର ୨.୬ ମିଲିୟନରୁ ଅଧିକ ଫଲୋର୍ସ ଅଛନ୍ତି । ସେହିପରି ଭଉଣୀ ନୀମାଙ୍କର ୨୫୯ ହଜାର ଫଲୋର୍ସ ରହିଛନ୍ତି ।
ଆଫ୍ରିକୀୟ ଦେଶ ତାଞ୍ଜାନିଆର ନୃତ୍ୟ ତାରକା କିଲି ପଲଙ୍କୁ ନିକଟରେ ତାଞ୍ଜାନିଆରେ ଅବସ୍ଥିତ ହାଇ କମିଶନ ଅଫ୍ ଇଣ୍ଡିଆ ପକ୍ଷରୁ ସମ୍ମାନିତ କରାଯାଇଥିଲା । ଭାରତର ଡିପ୍ଲୋମାଟ ବିନାୟା ପ୍ରଧାନ ଏହି ଫଟୋ ସେୟାର କରି ଏ ସମ୍ପର୍କରେ ସୂଚନା ଦେଇଛନ୍ତି।
