ଗୋରଖପୁର (ଏଟିଆର ବ୍ୟୁରୋ): ଉତ୍ତର ପ୍ରଦେଶ ଗୋରଖପୁର ଜିଲ୍ଲା ସାମୁଦାୟିକ ସ୍ୱାସ୍ଥ୍ୟ କେନ୍ଦ୍ରରେ ଜଣେ ମହିଳା ଚାରୋଟି ଗୋଡ ଥିବା ଶିଶୁକୁ ଜନ୍ମ ଦେଇଛନ୍ତି । ଯାହାକୁ ଦେଖି ସମସ୍ତେ ଚକିତ ହୋଇଯାଇଛନ୍ତି ।
କିଛି ଲୋକ ଏହାକୁ ଭଗବାନଙ୍କ ଚମକ୍ରାର କହୁଥିବା ବେଳେ ଆଉ କିଛି ଲୋକ ଦେବୀଙ୍କ ଶକ୍ତି ବୋଲି କହୁଛନ୍ତି ।
ଖବରମୁତାବକ, ଗୋରଖପୁର ଜିଲ୍ଲା ହରପୁର ବୁଦହଟ ଥାନା ଅନ୍ତର୍ଗତ ଜିଗିନା ଗାଁରେ ଭୁଲନ ନିଷାଦ ନାମକ ଜଣେ ବ୍ୟକ୍ତି ତାଙ୍କ ପତ୍ନୀକୁ ନେଇ ରୁହନ୍ତି । ଭୁଲନ ଦିନ ମଜୁରିଆ ଭାବେ କାମ କରି ପରିବାର ଚଳାଇଥାନ୍ତି ।
ଶନିବାର ଭୁଲନଙ୍କ ପତ୍ନୀ ସ୍ୱାସ୍ଥ୍ୟ କେନ୍ଦ୍ରରେ ଏକ ଶିଶୁକୁ ଜନ୍ମ ଦେଇଛନ୍ତି । ଯାହାର ଦୁଇଟି ଗୋଡ ବଦଳରେ ଚାରୋଟି ଗୋଡ ରହିଛି । ଏହାକୁ ଦେଖି ଡାକ୍ତର ଆଶ୍ଚର୍ଯ୍ୟ ହୋଇଯାଇଥିଲେ । ଏହି ଖବର ପ୍ରକାଶ ପାଇବା ପରେ ଶିଶୁକୁ ଦେଖିବା ପାଇଁ ସ୍ୱାସ୍ଥ୍ୟ କେନ୍ଦ୍ରକୁ ଗାଁ ଲୋକଙ୍କ ଶୁଅ ଛୁଟିଛି ।
