ମହାରାଷ୍ଟ୍ର (ଏଟିଆର ବ୍ୟୁରୋ): ମହାରାଷ୍ଟ୍ରର ପୋଲାଦପୁରରେ ଏକ ଅଘଟଣ ଘଟିଛି । ପାହାଡ ଉପରୁ ୨୦୦ ଫୁଟ୍ ତଳକୁ ଖସି ପଡିଛି ଯାତ୍ରୀ ବାହୀ ବସ୍ । ବସରେ ଥିବା ୪୦ ଯାତ୍ରୀଙ୍କ ମଧ୍ୟରୁ ୩୩ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ସୂଚନା ମିଳିଛି । ଏପର୍ଯ୍ୟନ୍ତ ଉଦ୍ଧାର କାର୍ଯ୍ୟ ଜାରି ରହିଛି । ଏକ ସଂସ୍ଥା ପକ୍ଷରୁ କର୍ମଚାରୀମାନେ ପିକନିକ୍ ଯାଉଥିଲା ବେଳେ ଏଭଳି ଦୁର୍ଘଟଣା ଘଟିଛି ।
କୋଙ୍କଣର ପଶ୍ଚିମ ମହାରାଷ୍ଟ୍ରକୁ ସଂଯୋଗ କରୁଥିବା ପୋଲାଦପୁର ପାଖରେ ଆମ୍ବେନଳୀ ଘାଟରେ ଏକ ଘରୋଇ ପିକନିକ୍ ବସ୍ ୨୦୦ ଫୁଟ୍ ତଳକୁ ଖସି ପଡିଛି । ଦୁର୍ଘଟଣାଗସ୍ତ ବସ୍ରେ କୋଙ୍କଣ କୃଷି ବିଦ୍ୟାପୀଠର ୩୮ କର୍ମଚାରୀ ଏବଂ ଦୁଇ ଜଣ ବସ ଚାଳକ ଥିଲେ । ଏଥିରେ ୩୩ ଜଣଙ୍କ ମୃତ୍ୟୁ ହୋଇଥିବାର ଖବର ମିଳିଛି । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
