ହାମିଲଟନ(ଏଟିଆର ବ୍ୟୁରୋ): ନ୍ୟୁଜିଲାଣ୍ଡକୁ ନିଜ ମାଟିରେ ଟି-୨୦ ସିରିଜରେ ଦୁଇଟି ମ୍ୟାଚ ହାରଇ ୨-୦ରେ ଆଗୁଆ ରହିଛି ଭାରତ । ତେବେ ଆଜି ଖେଳା ଯିବାକୁ ଥିବା ୩ୟ ଟି-୨୦ ମ୍ୟାଚରେ ନ୍ୟୁଜିଲାଣ୍ଡ ଟସ୍ ଜିତି ପ୍ରଥମେ ଫିଲ୍ଡିଂ କରିବା ପାଇଁ ନିଷ୍ପତି ନେଇଛି । ଆଜି ସିରିଜ ହାତେଇବା ପାଇଁ ଭାରତୀୟ ଦଳ ପଡିଆକୁ ଓହ୍ଲାଇବ । ତେବେ ପୂର୍ବ ଦୁଇଟି ମ୍ୟାଚରେ ନ୍ୟୁଜିଲାଣ୍ଡକୁ ପ୍ରଥମ ମ୍ୟାଚରେ ୬ ୱିକେଟ ଓ ଦ୍ୱିତୀୟରେ ୭ ୱିକେଟରେ ପରାସ୍ତ କରିଥିଲା ।
ସିରିଜର ପ୍ରଥମ ଦୁଇଟି ମ୍ୟାଚ ଜିତି ଥିବାରୁ ଭାରତୀୟ ଦଳର ଖେଳାଳି ମାନଙ୍କ ମନୋବଳ ବେଶ ଉଚ୍ଚରେ ରହିଛି । ଅନ୍ୟପଟେ ନ୍ୟୁଜିଲାଣ୍ଡ ଘରୋଇ ମାଟିରେ ଦୁଇଟି ମ୍ୟାଚ ହାରିଥିବାରୁ ଚାପରେ ରହିଛି । ଆଜି ଭାରତୀୟ ଦଳ ସିରିଜ ହାତେଇବା ଆଶାରେ ପଡିଆକୁ ଓହ୍ଲାଉଥିବା ବେଳେ ନ୍ୟୁଜିଲାଣ୍ଡ ଭାରତୀୟ ଦଳର ଜିତିବା ଶ୍ରେଣୀକୁ ରୋକିବା ପାଇଁ ଖେଳିବ ।
