ନୂଆଦିଲ୍ଲୀ (ଏଟିଆର ବ୍ୟୁରୋ): କରୋନା କାଳ ମଧ୍ୟରେ ସାରା ଦେଶ ପାଳନ କରୁଛି ଶାରଦୀୟ ନବରତ୍ରୀ । ଏହି ଅବସରରେ ମନ୍ଦିର ଓ ଦେବୀପୀଠ ଭକ୍ତ ଶୁନ୍ୟ ରହିଛି ସତ କିନ୍ତୁ ଲୋକଙ୍କ ମଧ୍ୟରେ ଧାର୍ମିୟ ଭାବନା କମିନାହିଁ । ଲୋକେ ଘରେ ରହି ପୂଜାର୍ଚ୍ଚନା କରୁଛନ୍ତି । ଏହୀ କ୍ରମରେ ଆଜି ହେଉଛି ନବରାତ୍ରୀର ପଞ୍ଚମ ଦିନ । ଏହିଦିନ ମା’ ସ୍କନ୍ଦମାତାଙ୍କୁ ପୂଜାର୍ଚ୍ଚା କରିବାର ବିଧି ରହିଛି ।
ଏହି ଅବସରରେ ମା’ସ୍କନ୍ଦମାତାଙ୍କୁ ଆରାଧନା କରି ପ୍ରଧାନମନ୍ତ୍ରୀ ମୋଦି ଦେଶବାସୀଙ୍କ ପାଇଁ ଆର୍ଶିବାଦ କାମନା କରିଛନ୍ତି । ମୋଦି ଟ୍ୱିଟ କରି କହିଛନ୍ତି କି, ନବରାତ୍ରୀରେ ଆଜି ଦେବୀ ଦୁର୍ଗାଙ୍କ ପଞ୍ଚମ ସ୍ୱରୂପ ମା ସ୍କନ୍ଦମାତାଙ୍କୁ ଆରାଧନା କରିବାର ଦିନ । ମୋର କାମନା ହେଉଛି ଦେବୀ ସ୍କନ୍ଦମାତାଙ୍କ ଆର୍ଶିବାଦ ଦେଶବାସୀଙ୍କ ଉପରେ ସଦାସର୍ବଦା ବଳବତ୍ତର ହୋଇ ରହୁ ।
ମା’ ଦୁର୍ଗାଙ୍କ ବଡ ଉପାସକ ହେଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ ଦୀର୍ଘ ଦିନ କାଳରୁ ନବରାତ୍ରୀ ବ୍ରତ ରଖି ଆସୁଛନ୍ତି । କୌଣସି ବି ପରିସ୍ଥିତିରେ ସେ ବ୍ରତ ଛାଡନ୍ତି ନାହିଁ ।
