ନୂଆଦିଲ୍ଲୀ (ଏଟିଆର ବ୍ୟୁରୋ): ଆସନ୍ତା ଜୁଲାଇ ୧୮ ରେ ରାଷ୍ଟ୍ରପତି ନିର୍ବାଚନ । ରାଷ୍ଟ୍ରପତି ପ୍ରାର୍ଥୀ ଭାବେ ଏନଡିଏ ପକ୍ଷରୁ ଦ୍ରୌପଦି ମୁର୍ମୁ ଛିଡା ହୋଇଥିବା ବେଳେ ବିପକ୍ଷ ଦଳ ପକ୍ଷରୁ ୟଶୱନ୍ତ ସିହ୍ନା ଛିଡା ହୋଇଛନ୍ତି । ସମସ୍ତଙ୍କ ନଜର ଏବେ ଭୋଟିଂ ଉପରେ ରହିଛି କେଉଁ ଦଳ କାହାକୁ ସମର୍ଥନ କରିବ ।
ଏହାରି ମଧ୍ୟରେ ଆମ ଆଦମୀ ପାର୍ଟି (ଆପ୍) ର ସାଂସଦ ସଞ୍ଜୟ ସିଂହ କହିଛନ୍ତି କି, ରାଷ୍ଟ୍ରପତି ନିର୍ବାଚନରେ ୟଶୱନ୍ତ ସିହ୍ନାକୁ ଆପ୍ ସମର୍ଥନ କରିବ । ଆମେ ଦ୍ରୌପଦି ମୁର୍ମୁଙ୍କୁ ସମ୍ମାନ କରୁଛୁ କିନ୍ତୁ ଭୋଟ ୟଶୱନ୍ତ ସିହ୍ନାଙ୍କୁ କରିବୁ ।
