ଗୋଆ ( ଏଟିଆର ବ୍ୟୁରୋ) ; ବେରୋଜଗାର ସମସ୍ୟାକୁ ନେଇ ଗୋଆର ବିଜେପି ଏମଏଲଏ ତଥା ଉପବାଚସ୍ପତି ମାଇକେଲ ଲୋବୋ ରାଜ୍ୟ ସରକାରଙ୍କ ଊପରେ ବର୍ଷିଛନ୍ତି । ସେ କହିଛନ୍ତି ଯେ, ରାଜ୍ୟରେ ଅହେତୁକ ବେରୋଜଗାର ସମସ୍ୟା କାରଣରୁ ବହୁତ କୁଶଳୀ ଯୁବକ ରାଜ୍ୟଛାଡି ବାହାରକୁ ଚାଲି ଯାଉଛନ୍ତି ନଚେତ୍ ବେଆଇନ କାର୍ଯ୍ୟ କରି ନିଜ ପେଟ ପୋଷୁଛନ୍ତି ।
ଏହା ନିଃସନ୍ଦେହଯେ ଆପଣଙ୍କ ନେତୃତ୍ୱରେ ଗୋଆ ବିଗତ କିଛିବର୍ଷ ମଧ୍ୟରେ ପ୍ରାୟ ସମସ୍ତ କ୍ଷେତ୍ରରେ ଆଖି ଦୃଶିଆ ଉନ୍ନତି କରିଛି କିନ୍ତୁ ରୋଜଗାରର ନୁତନ ପନ୍ଥା ବାହାର କରିବାରେ ସଂପୁର୍ଣ୍ଣ ବିଫଳ ହୋଇଛି । ଯାହାର ନିଚ୍ଛକ ଚିତ୍ର ଏ ରାଜ୍ୟର ହଜାର ହଜାର ବେକାର ଯୁବକଙ୍କ ମୁହଁରେ ସ୍ପଷ୍ଟ ବାରି ହୋଇପଡ଼ୁଛି । ମୁଖ୍ୟମନ୍ତ୍ରୀ ମନୋହର ପାରିକରଙ୍କୁ ଲେଖିଥିବା ଏକ ଚିଠିରେ ଲୋବୋ ଉଲ୍ଲେଖ କରିଛନ୍ତି ।
