ନୂଆଦିଲ୍ଲୀ (ଏଟିଆର ବ୍ୟୁରୋ): ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଶିବାଜୀରାଓ ପାଟିଲ ନିଲାଙ୍ଗେକରଙ୍କର ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୮୯ ବର୍ଷ ବୟସ ହୋଇଥିଲା । ଦୀର୍ଘ ଦିନ ଏବେ ଅସୁସ୍ଥ ଥିଲେ । ପୁଣେର ଏକ ଘରୋଇ ହସ୍ପିଟାଲରେ ସେ ତାଙ୍କର ଶେଷ ନିଶ୍ୱାସ ତ୍ୟାଗ କରିଛନ୍ତି । ଏନେଇ ତାଙ୍କ ପରିବାର ପକ୍ଷରୁ ସୂଚନା ମିଳିଛି ।
ନିକଟରେ କରୋନାରେ ଆକ୍ରାନ୍ତ ହୋଇଥିଲେ ନିଲାଙ୍ଗେକର, କିନ୍ତୁ ସେ କରୋନାରୁ ସୁସ୍ଥ ହୋଇ ଘରକୁ ଫେରି ସାରିଥିଲେ । ମାତ୍ର ଅନ୍ୟ ସ୍ୱାସ୍ଥ୍ୟ ଖରାପ କାରଣରୁ ତାଙ୍କର ମୃତ୍ୟୁ ଘଟିଛି ।
ମରାଠାୱାଡା ଅଞ୍ଚଳର ଲାତୁରର ବରିଷ୍ଠ କଂଗ୍ରେସ ନେତା ନିଲାଙ୍ଗେକର ଜୁନ୍ ୧୯୮୫ ରୁ ୧୯୮୬ ପର୍ଯନ୍ତ ରାଜ୍ୟର ମୁଖ୍ୟମନ୍ତ୍ରୀ ରହିଥିଲେ ।
