ନୂଆଦିଲ୍ଲୀ (ଏଟିଆର ବ୍ୟୁରୋ): କର୍ଣ୍ଣାଟକର ପୂର୍ବତନ ରାଜ୍ୟପାଳ ଏବଂ ପୂର୍ବତନ ଆଇନମନ୍ତ୍ରୀ ହଂସରାଜ ଭାରଦ୍ୱାଜଙ୍କର ପରଲୋକ ଘଟିଛି । ୮୨ ବର୍ଷ ବୟସରେ ସେ ତାଙ୍କ ଶେଷ ନିଶ୍ୱାସ ତ୍ୟାଗ କରିଛନ୍ତି । କଂଗ୍ରେସର ବରିଷ୍ଠ ନେତାମାନଙ୍କ ମଧ୍ୟରୁ ହଂସରାଜ ଭାରଦ୍ୱାଜ ଜଣେ ଥିଲେ ।
କାର୍ଡିୟାକ ଆରେଷ୍ଟ ଯୋଗୁଁ ହଂସରାଜ ଭାରଦ୍ୱାଜଙ୍କ ମୃତ୍ୟୁ ହୋଇଛି ବୋଲି ତାଙ୍କ ପାରିବାରିକ ସୂତ୍ରରୁ ଜାଣିବାକୁ ମିଳିଛି । ଆଜି ଅପରାହ୍ନ ୪ଟା ରେ ତାଙ୍କର ଅନ୍ତିମ ସଂସ୍କାର କରାଯିବ । ଦିଲ୍ଲୀର ନିଗମ ବୋଧ ଘାଟରେ ତାଙ୍କର ଅନ୍ତିମ ସଂସ୍କାର ହେବ ।
ଅନ୍ୟପଟେ ହଂସରାଜ ଭରଦ୍ୱାଜଙ୍କ ନିଧନ ଖବରକୁ ନେଇ ଅନେକ ନେତା ସମେତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଃଖ ପ୍ରକାଶ କରିଛନ୍ତି ।
