ନୂଆଦିଲ୍ଲୀ (ଏଟିଆର ବ୍ୟୁରୋ): ଲୋକସଭାରେ ନରେନ୍ଦ୍ର ମୋଦିଙ୍କୁ ନେଇ ମୁଲାୟମ ସିଂହଙ୍କ ବୟାନ ଏବେ ଚର୍ଚ୍ଚାରେ । ଯାହା ଏବେ ଲକ୍ଷେ୍ନø ସହରରେ ଦେଖିବାକୁ ମିଳିଛି । ଲକ୍ଷେ୍ନøର ହଜରତଗଞ୍ଜ ସ୍ଥିତ ଜିପିଓ ନିକଟବର୍ତ୍ତି ଏକ ହୋଡିଂ ଲଗାଯାଇଛି । ଯେଉଁଥିରେ ବିଜେପି ପକ୍ଷରୁ ମୁଲାୟମ ସିଂହଙ୍କୁ ଧନ୍ୟବାଦ ଅର୍ପଣ କରାଯାଇଛି ।
ଏହି ହୋଡିଙ୍ଗକୁ ବିଜେପି ନେତାମାନେ ଲଗାଇଛନ୍ତି । ହୋଡିଙ୍ଗରେ ଲେଖା ହୋଇଛି କି ମୁଲାୟମ ସିଂହଙ୍କୁ ଧନ୍ୟବାଦ, ଆପଣ ଲୋକସଭାରେ ୧୨୫ କୋଟି ଦେଶବାସୀଙ୍କ ମନର କଥା କହିଛନ୍ତି । ଏହାସହିତ ହୋଡିଙ୍ଗରେ ମୁଲାୟମ ସିଂହଙ୍କ ବୟାନର ସ୍କ୍ରିନସର୍ଟ ବି ଛପା ଯାଇଛି ।
ଗତ ବୁଧବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନେଇ ଉତ୍ତରପ୍ରଦେଶର ପୂର୍ବ ମୁଖ୍ୟମନ୍ତ୍ରୀ ଏବଂ ସମାଜବାଦୀ ଦଳର ନେତା ମୁଲାୟମ ସିଂହ ଯାଦବ ଲୋକସଭାରେ ଏକ ବଡ ବୟାନ ଦେଇଥିଲେ । ସେ କହିଥିଲେ କି ନରେନ୍ଦ୍ର ମୋଦି ଦ୍ୱିତୀୟ ଥର ପ୍ରଧାନମନ୍ତ୍ରୀ ହେବା ଉଚିତ୍ । ଏଭଳି କହି ଲୋକସଭାରେ ପ୍ରଧାନମନ୍ତ୍ରୀଙ୍କ ପ୍ରଶଂସା କରିଥିଲେ ମୁଲାୟମ ସିଂହ ଯାଦବ ।
ସେପଟେ ଏହି ମାମଲାକୁ ନେଇ ଆଜମ୍ ଖାନ୍ ତାଙ୍କ ପ୍ରତିକ୍ରିୟାରେ କହିଛନ୍ତି କି ଏହା ଶୁଣି ବହୁତ ଦୁଃଖ ଲାଗିଲା । ଏହି ବୟାନ ମୁଲାୟମ ସିଂହଙ୍କ ନିଜସ୍ୱ ବୟାନ ନୁହେଁ ବରଂ ବିଜେପି ନେତାମାନଙ୍କ ପକ୍ଷରୁ ତାଙ୍କୁ ଏଭଳି କହିବା ପାଇଁ କୁହାଯାଇଛି ।
