ନୂଆଦିଲ୍ଲୀ (ଏଟିଆର ବ୍ୟୁରୋ): ଲୋକସଭା ନିର୍ବାଚନ ୨୦୧୯ ପାଇଁ କଂଗ୍ରେସ ତାର ଆଉ ଏକ ପ୍ରାର୍ଥୀ ତାଲିକା ଜାରି କରିଛି । କଂଗ୍ରେସର ଏହି ନୂତନ ତାଲିକାରେ ଓଡିଶାର ୭ ଜଣ ପ୍ରାର୍ଥୀ, ବିହାରର ୪ ଜଣ ପ୍ରାର୍ଥୀ ଏବଂ ଉତ୍ତରପ୍ରଦେଶର ଜଣେ ପ୍ରାର୍ଥୀ ରହିଛନ୍ତି । ସବୁଠୁ ଖାସ୍ କଥା ହେଉଛି ଏହି ତାଲିକାରେ ଲୋକସଭାର ପୂର୍ବତନ ସ୍ପିକରଙ୍କ ନାଁ ମଧ୍ୟ ସାମିଲ ଅଛି । ତାଙ୍କୁ ବିହାରର ସାସାରାମ ସିଟ୍ ପାଇଁ ବଛା ଯାଇଛି ।
ଖବରମୁତାବକ, ମହାଗଠବନ୍ଧନର ବୈଠକ ହେବା ପୂର୍ବରୁ ହିଁ ନିର୍ବାଚନ ପାଇଁ କଂଗ୍ରେସ ପକ୍ଷରୁ ଆଶାୟୀ ପ୍ରାର୍ଥୀ ତାଲିକା ଜାରି କରାଯାଇଛି । ଏହି ତାଲିକା ଅନୁଯାୟୀ ବିହାରର ସୁପଲରୁ ରଞ୍ଜିତ ରଞ୍ଜନ, ବିହାରର ସମସ୍ତିପୁରରୁ ଅଶୋକ କୁମାର,ବିହାରର ମୁଙ୍ଗେରରୁ ନୀଲମ ଦେବୀ, ଓଡିଶାର କେନ୍ଦୁରରୁ ଫକୀରମୋହନ ନାୟକ,ଓଡିଶାର ବାଲେଶ୍ୱରରୁ ନବଜ୍ୟୋତି ପଟ୍ଟନାୟକ, ଓଡିଶାର ଭଦ୍ରକରୁ ମଧୁସ୍ମିତା ସେଠୀ, ଓଡିଶାର କେନ୍ଦ୍ରପଡାରୁ ଧରଣୀଧର ନାୟକ, ଓଡିଶାର ଢେଙ୍କାନଳରୁ କେ.ପି ସିଂହଦେଓ, ଓଡିଶାର ଜଗତସିଂହପୁରରୁ ପ୍ରତିମା ମଲ୍ଲିକ, ଓଡିଶାର ପୁରୀରୁ ସତ୍ୟପ୍ରକାଶ ନାୟକ ଏବଂ ଉତ୍ତରପ୍ରଦେଶର ମହାରାଜଗଞ୍ଜରୁ ସୁପ୍ରିୟା ସ୍ରିିନେଟ୍ ।
