ନୂଆଦିଲ୍ଲୀ (ଏଟିଆର ବ୍ୟୁରୋ): ବିଜେପିର ବରିଷ୍ଠ ନେତା କୈଳାଶ ବିଜୟବର୍ଗୀୟଙ୍କ ପୁଅ ଏବଂ ନବନିର୍ବାଚିତ ବିଧାୟକ ଆକାଶ ବିଜୟବର୍ଗୀୟଙ୍କ ଉଗ୍ର ରୂପ ସାମ୍ନାକୁ ଆସିଛି । ବୁଧବାର ବିଜେପିର ଜଣେ ଅଧିକାରୀଙ୍କୁ ବିଧାୟକ ଆକାଶ ଖୁବ୍ ଅମାନୁଷିକ ଭାବେ ପିଟିଛନ୍ତି । ଏହାର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଏହାସହିତ ବିଧାୟକଙ୍କ ଏଭଳି ବ୍ୟବହାର ପାଇଁ ତାଙ୍କୁ ଆଲୋଚନାର ସାମ୍ନା କରିବାକୁ ପଡିଛି ।
#WATCH Madhya Pradesh: Akash Vijayvargiya, BJP MLA and son of senior BJP leader Kailash Vijayvargiya, thrashes a Municipal Corporation officer with a cricket bat, in Indore. The officers were in the area for an anti-encroachment drive. pic.twitter.com/AG4MfP6xu0
— ANI (@ANI) June 26, 2019
ଖବର ମୁତାବକ,ନଗର ନିଗମର କର୍ମଚାରୀ ଅତିକ୍ରମଣ ବିରୋଧରେ ଅଭିଯାନ ଚାଲିଥିଲା । ସେହି ସମୟରେ କାମ ମଝିରେ ଇନ୍ଦୋର ବିଧାୟକ ଆକାଶ ଆସି ପହଁଚିଥିଲେ । କର୍ମଚାରୀଙ୍କ ବିବାଦ ମଧ୍ୟରେ ବିଧାୟକ ଆକାଶ ତାଙ୍କ ହିତା ହତ ଜ୍ଞାନ ଭୁଲି ଯାଇ ଏକ କ୍ରିକେଟ ବ୍ୟାଟ୍ ଯୋଗେ ଅଧିକାରୀଙ୍କୁ ପିଟିବା ଆରମ୍ଭ କରିଦେଇଥିଲେ । ଘଟଣାସ୍ଥଳରେ ଉପସ୍ଥିତ ଥିବା ପୋଲିସ କର୍ମଚାରୀ ବି ଆକାଶଙ୍କୁ ରୋକିବା ପାଇଁ ଚେଷ୍ଟା କରିଥିଲେ, କିନ୍ତୁ ଆକାଶ ବ୍ୟାଟ୍ ଧରି ପିଟିବାରେ ବ୍ୟସ୍ତ ଥିଲେ ।
ଏହି ଘଟଣା ପରେ ଆକାଶ ବିଜୟବର୍ଗୀୟ ଏବଂ ନଗର ନିଗମର କର୍ମଚାରୀ ଥାନାକୁ ଯାଇ ଅଭିଯୋଗ କରିଥିଲେ ।
