ନୂଆଦିଲ୍ଲୀ (ଏଟିଆର ବ୍ୟୁରୋ): କିଛି ମାସ ହେବ ବିଜେପିରେ ଅସନ୍ତୋଷ ଥିବା ପୂର୍ବତନ କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟୋ ଶନିବାର କୋଲକାତାରେ ତୃଣମୂଳ କଂଗ୍ରେସ (ଟିଏମସି) ଦଳରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ଭଣଜା ଅଭିଶେକ ବାନାର୍ଜି ଫୁଲତୋଡା ଦେଇ ବାବୁଲ ସୁପ୍ରିୟୋଙ୍କୁ ଦଳକୁ ସ୍ୱାଗତ କରିଛନ୍ତି ।
ଟିଏମସି ଏକ ବୟାନ ଜାରି କରି କହିଛି, କୋଲକାତାରେ ହୋଇଥିବା ଏକ କାର୍ଯ୍ୟକ୍ରମରେ ଦଳରେ ସାମିଲ ହୋଇଛନ୍ତି ବାବୁଲ ସୁପ୍ରିୟୋ । ଏହି ଅବସରରେ ଦଳର ରାଷ୍ଟ୍ରୀୟ ମହାସଚିବ ଅଭିଶେକ ବାନାର୍ଜି ଏବଂ ରାଜ୍ୟସଭା ସାଂସଦ ଡେରେକ ବ୍ରାୟନ ମଧ୍ୟ ଉପସ୍ଥିତ ଥିଲେ । ବାବୁଲ ସୁପ୍ରିୟୋଙ୍କୁ ସ୍ୱାଗତ କରି ଅଭିଶେକ ବାନାର୍ଜି କହିଛନ୍ତି କି, ବାବୁଲ ସୁପ୍ରିୟୋ ଆସିବା ଦ୍ୱାରା ଦଳ ଆହୁରୀ ମଜବୁତ ହୋଇଯିବ ।
