ନୂଆଦିଲ୍ଲୀ ( ଏଟିଆର ବ୍ୟୁରୋ): ବାରାଣାସୀ ଲୋକସଭା ଆସନରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜୟ ହୋଇଛନ୍ତି । ତାଙ୍କ ପ୍ରତିଦ୍ୱନ୍ଦିଙ୍କ ଠାରୁ ୩ ଲକ୍ଷ ୭୦ ହଜାର ଭୋଟରେ ସେ ବିଜୟ ହୋଇଛନ୍ତି । ମୋଦିଙ୍କୁ ଏହି ଆସନରୁ ୫ ଲକ୍ଷ ୪୫ ହଜାର ୫୬ ଖଣ୍ଡ ଭୋଟ ମିଳିଛି । ସେହିପରି ତାଙ୍କ ବିପକ୍ଷରେ ମହାମେଣ୍ଟରୁ ପ୍ରାର୍ଥୀ ହୋଇଥିବା ଶାଳିନୀ ଯାଦବଙ୍କୁ ମିଳିଥିଲା ମାତ୍ର ୧ ଲକ୍ଷ ୫୯ ହଜାର ୭୨୨ ଖଣ୍ଡ ଭୋଟ ।
ସୂଚନାଯୋଗ୍ୟ ସାରା ଦେଶରେ ବିଜେପି ୩୪୪ ଟି ଆନରେ ଆଗୁଆ ରହିଛି । ତେବେ ଆସୁଥିବା ଏହି ଫଳାଫଳରୁ ସ୍ପଷ୍ଟ ହେଉଛି ଯେ ମୋଦି ପୁଣି ଥରେ ପ୍ରଧାନମନ୍ତ୍ରୀ ହେବେ । ତେବେ ଗତ ରବିବାର ବିଭିନ୍ନ ସସ୍ଥା ପକ୍ଷରୁ ପ୍ରକାଶ ପାଇଥିବା ଏକଜିଟ ପୋଲର ଆକଳନ କରିଥିଲା ଚଳିତ ଥର ମୋଦିଙ୍କୁ ଅଧିକ ଆସନ ମିଳିବ । ତାଙ୍କୁ ସ୍ପଷ୍ଟ ବହୁମତ ମିଳିବ । ଏକଜିଟ ପୋଲ ପ୍ରକାଶ ପାଇବା ଦିନଠାରୁ ହିଁ ମୋଦିଙ୍କୁ ଦେଶ ବିଦେଶରୁ ସୁଭେଚ୍ଛାର ସୁଅ ଛୁଟିଥିଲା ।
ସେହିଭଳି ଓଡିଶାରେ ବିଜେପି ୮ ଟି ଲୋକସଭା ଆସନରେ ଆଗୁଆ ରହିଥିବା ବେଳେ ବିଜେଡି ୧୩ ଟି ଲୋକସଭା ଆସନରେ ଆଗୁଆ ରହିଛି । ତେବେ ମାତ୍ର ଆଉ କିଛି ସମୟର ଅବଧିପରେ ପୁରା ଚିତ୍ର ସ୍ପଷ୍ଟ ହୋଇଯିବ । କାହାକୁ କେତେ ଆସନ ମିଳୁଛି । ଓଡିଶାରେ ବିଜେଡିର ଭଲ ପ୍ରଦର୍ଶନ ନେଇ ମୋଦି ଟ୍ୱିଟ କରି ନବୀନଙ୍କୁ ସୁଭେଚ୍ଛା ଜଣାଇଛନ୍ତି ।
