ନୂଆଦିଲ୍ଲୀ (ଏଟିଆର ବ୍ୟୁରୋ): ଭାରତ ପାଇଁ ଆଉ ଏକ ଖୁସି ଖବର । ଆମ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ତାଙ୍କର ସ୍ୱଚ୍ଛ ଭାରତ ଅଭିଯାନ ପାଇଁ ଆମେରିକା ଗସ୍ତରେ ବିଲ ମେଲିଣ୍ଡା ଗେଟସ ଫାଉଣ୍ଡେସନ ପକ୍ଷରୁ ସମ୍ମାନିତ କରାଯିବ । ଏନେଇ ପ୍ରଧାନମନ୍ତ୍ରୀ କାର୍ଯ୍ୟାଳୟର ରାଜ୍ୟମନ୍ତ୍ରୀ ଜିତେନ୍ଦ୍ର ସିଂହ ସୂଚନା ଦେଇଛନ୍ତି ।
ରାଜ୍ୟମନ୍ତ୍ରୀ ଜିତେନ୍ଦ୍ର ସିଂହ ଟ୍ୱିଟ୍ କରି କହିଛନ୍ତି କି , ଆଉ ଏକ ପୁରସ୍କାର, ପ୍ରତ୍ୟେକ ଭାରତୀୟଙ୍କ ପାଇଁ ଆଉ ଏକ ମୁହୁର୍ତ୍ତ, କାରଣ ପ୍ରଧାନମନ୍ତ୍ରୀ ମୋଦିଙ୍କ ପରିଶ୍ରମ ଏବଂ ଉନ୍ନତିଶୀଳ ସୂତ୍ରପାତକୁ ସାରା ଦୁନିଆରୁ ପ୍ରଶଂସା ମିଳୁଛି । ତାଙ୍କୁ ଆମେରିକା ଗସ୍ତ ଅବସରରେ ବିଲ ମେଲିଣ୍ଡା ଫାଉଣ୍ଡେସନ ପକ୍ଷରୁ ସମ୍ମାନିତ କରାଯିବ ।
ଏହାପୂର୍ବରୁ ଛଅଟି ମୁସଲମାନ ଦେଶ ଏବଂ ଋଷରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମ୍ମାନିତ କରାଯାଇ ସାରିଛି । ସେହି ସବୁ ପୁରସ୍କାର ମଧ୍ୟରେ ରହିଛି..
– କିଙ୍ଗ ହମାଦ ଅଫ୍ ରିନେସଂସ
– ଅର୍ଡର ଅଫ୍ ଦି ଡିଷ୍ଟିଂଗାଇଶଡ ରୁଲ ଅଫ୍ ଇଜୁଦ୍ଦୀନ
– ଅର୍ଡର ଅଫ୍ ସେଂଟ ଏଂଡ୍ରୁ
– ଅର୍ଡର ଅଫ୍ ଜାୟେଦ
– ଗ୍ରାଣ୍ଡ କଲର ଅଫ୍ ଦି ଷ୍ଟେଟ ଅଫ୍ ଫିଲିସ୍ତୀନ
– ଷ୍ଟେଟ ଅର୍ଡର ଅଫ୍ ଗାଜି ଅମୀର ଅମାନୁଲ୍ଲାହ ଖାନ୍
– ଅର୍ଡର ଅଫ୍ ଅବଦୁଲଅଜୀଜ ଅଲ ସାଉଦ
