ନୂଆଦିଲ୍ଲୀ ( ଏଟିଆର ବ୍ୟୁରୋ): ରାହୁଲ ଗାନ୍ଧି ୱାୟାନାଡ ଗସ୍ତରେ ଯାଇଥିବା ବେଳେ ଆଜି ତାଙ୍କ ଜନ୍ମବେଳେ ଉପସ୍ଥିତ ଥିବା ଜଣେ ନର୍ସଙ୍କୁ ଭେଟିଛନ୍ତି । ରାଜମ୍ମା ନାମଙ୍କ ନର୍ସ ଜଣଙ୍କୁ ଭେଟିବା ସମୟରେ ଭାବ ବିହ୍ୱଳ ହୋଇପଡିଛନ୍ତି ରାହୁଳ । ଏମିତିକି ସେ ନର୍ସଙ୍କ ଠାରୁ ସେ ସମୟର କଥା ଶୁଣିବା ପରେ ତାଙ୍କ ୁ କୋଳେଇ ଧରିଥିବାର ଏକ ଫଟୋ ମଧ୍ୟ ଭାଇରାଲ ହୋଇଛି । ସୂଚନାଯୋଗ୍ୟ ୪୯ ବର୍ଷ ତଳେ ଦିଲ୍ଲୀ ହସପିଟାଲରେ ରାହୁଳ ଜନ୍ମଗ୍ରହଣ କରିଥିଲେ ।
ରାହୁଳ ଭୂମିଷ୍ଠ ହେଲା ପରେ ପ୍ରଥମେ ନର୍ସ ରାଜମ୍ମା ତାଙ୍କୁ କୋଳରେ ଧରିଥିଲେ ବୋଲି ନର୍ସ କହିଛନ୍ତି । ରାହୁୁଳ ଗତକାଲି ୱାୟାନାଡରେ ରାତ୍ରୀ ଯାପନ କରିଥିବା ରାଜମ୍ମା ଜାଣି ତାଙ୍କୁ ସକାଳୁ ଭେଟ ହେବାକୁ ଆସିଥିଲେ । ସେଠାରେ ରାଜମ୍ମା ଓ ରାହୁଳ କିଛି ମୂହୂର୍ତ୍ତ ବାର୍ତ୍ତାଳାପ ମଧ୍ୟ କରିଥିଲେ । ରାହୁଳ ରାଜମ୍ମାଙ୍କୁ ସ୍ନେହରେ ଆଲିଙ୍ଗନ କରିଥିବା ବେଳର ଏକ ଫଟୋ ବିରୋଧୀ ଦଳ ନେତା ରମେଶ ଚେନ୍ନି ତାଙ୍କ ଫେସବୁକରେ ପୋଷ୍ଟ କରି ଏହି ସୂଚନା ଦେଇଛନ୍ତି ।
୪୯ ବର୍ଷ ତଳର ସେହି ଦିନର କଥା ଶୁଣି ସେ ରାଜମ୍ମାଙ୍କୁ ଆଲିଙ୍ଗନ କରିଥିଲେ । ରାହୁଳ ଫଟୋରେ ବେଶ ଖୁସି ଥିବା ଦେଖିବାକୁ ମିଳିଛି । ରାହୁଳ ନିର୍ବାଚନ ଫଳାଫଳ ପ୍ରକାଶ ପରେ ନିଜର ସଂସଦୀୟ କ୍ଷେତ୍ରକୁ ପରିଦର୍ଶନରେ ଯାଇଛନ୍ତି । ସେଠାରେ ସେ ଏକ ରୋଡ ସୋ କରିବା ସହିତ ଭୋଟ ଦେଇ ଜିତେଇ ଥିବାରୁ ସମସ୍ତଙ୍କୁ ଧନ୍ୟବାଦ ଜଣେଇଛନ୍ତି ।
