ନୂଆଦିଲ୍ଲୀ (ଏଟିଆର ବ୍ୟୁରୋ): ଆଉ ମାତ୍ର କେଇଟା ଦିନ ରହିଛି ଲୋକସଭା ନିର୍ବାଚନ ୨୦୧୯ । ଏହାକୁ ଦୃଷ୍ଟିରେ ରଖି ଏବେ ରାଜନୈତିକ ଦଳରେ ଏଣ୍ଟ୍ରି କରିବାରେ ଲାଗିଛନ୍ତି ବଲିଉଡ କଳାକାର । ଗୋଟେ ପରେ ଗୋଟେ କଳାକାର ବିଭିନ୍ନ ଦଳରେ ସାମିଲ ହେଉଥିବା ଦୃଶ୍ୟ ଦେଖିବାକୁ ମିଳୁଛି । ଇତି ମଧ୍ୟରେ ବୁଧବାର ବଲିଉଡ ଅଭିନେତା ରାଜପାଲ ଯାଦବ ଶିଲା ଦିକ୍ଷୀତିଙ୍କୁ ଭେଟବା ପାଇଁ ପହଁଚିଛନ୍ତି ।
ଦିଲ୍ଲୀ କଂଗ୍ରେସ ଅଧ୍ୟକ୍ଷଙ୍କ ଘରେ ରାଜପାଲ ପହଁଚିବାକୁ ନେଇ ରାଜ୍ୟ ରାଜନୀତି ପୂରା ସରଗରମ ହୋଇ ଉଠିଛି । କୁହାଯାଉଛି କି କଂଗ୍ରେସ ଦଳରେ ରାଜପାଲ ଯାଦବ ସାମିଲ ହେବାକୁ ଯାଉଛନ୍ତି । ହୁଏତ ଏନେଇ କୌଣସି ସ୍ପଷ୍ଟ ସୂଚନା ମିଳି ପାରି ନାହିଁ । କିନ୍ତୁ ନିର୍ବାଚନ ପାଖେଇ ଆସୁଥିବାକୁ ନଜରରେ ରଖି ଅନୁମାନ କରାଯାଉଛି କି ରାଜପାଲ ଯାଦବ କଂଗ୍ରେଦ ଦଳରେ ସାମିଲ ହୋଇ ପାରନ୍ତି ।
ଖବରମୁତାବକ, ଗତ ସପ୍ତାହରେ ଅଭିନେତ୍ରୀ ଉର୍ମିଳା ମାତୋଣ୍ଡକର ବି କଂଗ୍ରେସ ଦଳରେ ସାମିଲ ହୋଇଥିଲେ ଏବଂ ସେ ଏବେ ଉତ୍ତର ମୁମ୍ବାଇର କଂଗ୍ରେସ ପ୍ରାର୍ଥୀ ଭାବେ ନିର୍ବାଚନ ଲଢିବାକୁ ଯାଉଛନ୍ତି । ସେ ବିଜେପିର ଗୋପାଳ ଶେଠୀଙ୍କ ବିପକ୍ଷରେ ମଇଦାନକୁ ଓହ୍ଲାଇଛନ୍ତି ।
