ନୂଆଦିଲ୍ଲୀ (ଏଟିଆର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି କୋଲକାତାର ବ୍ରିଗେଡ ମଇଦାନରେ ଏକ ବଡ ନିର୍ବାଚନ ରାଲିକୁ ସମ୍ବନ୍ଧିତ କରୁଛନ୍ତି । ଏହି ରାଲିରେ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ମଧ୍ୟ ସାମିଲ ହେବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ଏବେ ଖବର ସାମ୍ନାକୁ ଆସିଛି କି ଏହି ରାଲିରେ ସାମିଲ ହେବେ ନାହିଁ ସୌରଭ ଗାଙ୍ଗୁଲି ।
ଦ୍ୱିପ୍ରହର ୨ଟା ବେଳେ ବ୍ରିଗେଡ ମଇଦାନରେ ପହଁଚିବେ ପ୍ରଧାନମନ୍ତ୍ରୀ ମୋଦି । ଏହାପରେ ୨ ଟାରୁ ୩ ଟା ପର୍ଯ୍ୟନ୍ତ ବ୍ରିଗେଡ ପ୍ୟାରେଡ ମଇଦାନରେ ରାଲିକୁ ସମ୍ବନ୍ଧିତ କରିବେ ମୋଦି ।
ଏହାପରେ ୩ ଟା ୧୫ ମିନିଟରେ ହେଲିପ୍ୟାଡରୁ କୋଲକାତା ଅଭିମୁଖେ ବାହାରିବେ । ୩. ୪୫ ରେ କୋଲକାତା ଏୟାପୋର୍ଟରୁ ଦିଲ୍ଲୀ ଅଭିମୁଖେ ଯାତ୍ରା କରିବେ । ସନ୍ଧ୍ୟା ୬.୧୫ ରେ ଦିଲ୍ଲୀରେ ପହଁଚିବେ ।
ପ୍ରଧାନମନ୍ତ୍ରୀ ମୋଦିଙ୍କ ଏହି ରାଲିରେ ୧୦ ଲକ୍ଷରୁ ଅଧିକ ଲୋକ ସାମିଲ ହେବାର ଆଶଙ୍କା ରହିଛି । ମୋଦିଙ୍କ ସମେତ ବିଜେପି ଦିଗଜ ନେତାମାନେ ମଧ୍ୟ ଏହି ରାଲିରେ ସାମିଲ ହେବେ । ଏହାବ୍ୟତିତ ଏହି ରାଲିରେ ବଲିଉଡ ଅଭିନେତା ମିଥୁନ ଚକ୍ରବର୍ତ୍ତି ମଧ୍ୟ ସାମିଲ ହେବେ ।
