ନୂଆଦିଲ୍ଲୀ ( ଏଟିଆର ବ୍ୟୁରୋ): ଚଳିତ ନିର୍ବାଚନରେ ସବୁଠାରୁ ଚର୍ଚ୍ଚିତ ଚେହେରା ବା ଓଡିଶା ମୋଦି ଭାବେ ପରିଚିତ ପ୍ରତାପ ଷଢଙ୍ଗୀ ଆଜି କେନ୍ଦ୍ର ରାଷ୍ଟ୍ରମନ୍ତ୍ର ଭାବେ ଦାୟିତ୍ୱ ନେଇଛନ୍ତି । ଆଜି ସେ ଏମଏସଏମଇ ବିଭାଗର ଦାୟିତ୍ୱ ନେଇଛନ୍ତି । ସୂଚନା ଯୋଗୁ ଚଳିତ ଥର ଓଡିଶାରୁ ବିଜେପି ପ୍ରାର୍ଥୀ ଭାବେ ୮ ଜଣ ଲୋକସଭାକୁ ଯାଇଥିବା ବେଳେ ପ୍ରତାପ ଜଣେ ମାତ୍ର ଲୋକସଭା ନିର୍ବାଚିତ ସାଂସଦ କେନ୍ଦ୍ରରେ ମନ୍ତ୍ରୀ ହୋଇଛନ୍ତି । ସବୁଠାରୁ ବଡକଥା ତାଙ୍କ ଜୀବନ ଶୈଳି ଓ ରାଜନୈତିକ ଜୀବନୀକୁ ନେଇ ଚର୍ଚ୍ଚା ଜୋର ଧରିଥିଲା ।
ଏଥର ସେ ବାଲେଶ୍ୱର ଲୋକସଭା ଆସନରୁ ଦୁଇଜଣ ଧନୀ ପ୍ରାର୍ଥୀଙ୍କୁ ପରାଜିତ କରିଛନ୍ତି । ଓଡିଶାରୁ ୩ ଜଣ ହେବିୱେଟଙ୍କର ନାମ ଚର୍ଚ୍ଚାରେ ଥିବା ବେଳେ ମୋଦି ଭରଷା କରିଥିଲେ ପ୍ରତାପ ଷଢଙ୍ଗୀଙ୍କୁ । ତାଙ୍କୁ ଅଣ ୁକ୍ଷୁଦ୍ର ଏବଂ ମଧ୍ୟମ ଶିଳ୍ପ ସମେତ ପଶୁପାଳନ ମନ୍ତ୍ରଣାଳୟର ଦାୟିତ୍ୱ ମିଳିଛି । ତାଙ୍କର ଜୀବନ ଶୈଳିକୁ ନେଇ ଶୋସାଲ ମିଡିଆରେ ଦିନକୁ ଦିନ ତାଙ୍କ ପ୍ରଶଂସକଙ୍କ ସଂଖ୍ୟା ବଢିବାରେ ଲାଗିଛି ।
ନିମ କାଠିରେ ଦାନ୍ତ ଘସିବା ବେଳର ଫଟୋ, ସାଇକେଲ ଚଳାଇବା ହେଉ କିମ୍ବା ତାଙ୍କ ଚାଳ ଛପର ଘରକୁ ନେଇ ଜାତୀୟ ଗଣମାଧ୍ୟମରେ ମଧ୍ୟ ଚର୍ଚ୍ଚା ଜୋର ଧରିଥିଲା । ସେହିଭଳି ଏବେ ଏକ ଜାତୀୟ ଗଣମାଧ୍ୟମକୁ ଅନର୍ଗଳ ସଂସ୍କୃତ ଭାଷାରେ ପ୍ରତିକ୍ରିୟା ଦେଇ ସେ ଏବେ ଚର୍ଚ୍ଚାରେ ରହିଛନ୍ତି ।
