ନୂଆଦିଲ୍ଲୀ (ଏଟିଆର ବ୍ୟୁରୋ): ପଶ୍ଚିମବଙ୍ଗରେ ନିର୍ବାଚନୀ ହିଂସା ଥମିବାର ନାଁ ଧରୁନି । ନିୟମିତ ଭାବେ ବିଜେପି ଏବଂ ତୃଣମୂଳ କଂଗ୍ରେସ ମଧ୍ୟରେ ଲାଗି ରହିଛି ହିଂସାକାଣ୍ଡ । ପୁଣି କୋଲକାତାର ଆସନସୋଲରେ ଶୁକ୍ରବାର ବିଜେପି ଏବଂ ତୃଣମୂଳ କଂଗ୍ରେସ ମଧ୍ୟରେ ହିଂସାକାଣ୍ଡ ମୁଣ୍ଡ ଟେକିଛି ।
ଆସନସୋଲ ର ମହାପୌର ଏବଂ ଟିଏମସି ନେତା ଜେ ତିୱାରି କହିଛନ୍ତି, ଏଠାକୁ ବିଜେପି ନେତା ହମଲା କରିବା ଉଦ୍ଦ୍ୟେଶରେ ଆସିଥିଲେ କିନ୍ତୁ ସେ ନିଗମର ଦୁଆରକୁ ବି ଛୁଇଁ ପାରିଲେ ନାହିଁ । ସେପଟେ ଆସନସୋଲ ଲୋକସଭା ସିଟ୍ ରୁ ବିଜେପି ସାଂସଦ ବାବୁଲ ସୁପ୍ରିୟଙ୍କୁ ନେଇ ସେ ବିବାଦୀୟ ଟିପ୍ପଣୀ ଦେଇଛନ୍ତି ।
ସେ କହିଛନ୍ତି କି, ‘ବାବୁଲ ତୁମେ ଯଦି ବିଜେପିର ମାଙ୍କଡ ତେବେ ଆମେ ତୁମ ପାଇଁ ଆସନସୋଲରେ ଏକ ପଞ୍ଜୁରୀ ତିଆରି କରିଛୁ । ତୁମ ଭଳି ମାଙ୍କଡକୁ ରଖିବାର କ୍ଷମତା ଆମର ରହିଛି ।’ ଆସନସୋଲ ନଗର ନିଗମ ବାହାରେ ବିଜେପି କାର୍ଯ୍ୟକର୍ତ୍ତା ଏବଂ ପୋଲିସ ମଧ୍ୟରେ ଧସ୍ତା ଧସ୍ତି ହୋଇଥିଲା । ଏଥିରେ ୧୩ ଜଣ ବିଜେପି କର୍ମୀଙ୍କୁ ଗିରଫ କରାଯାଇଛି ।
ଏହାପୁର୍ବରୁ ବିଜେପି ଏବଂ ତୃଣମୂଳ କାର୍ଯ୍ୟକର୍ତ୍ତା ମଧ୍ୟରେ ମୁହାଁମୁହିଁ ହୋଇଥିଲା । ଏଥିରେ ଦୁଇ ଜଣ ଆହତ ହୋଇଥିଲେ । ସେମାନଙ୍କୁ ଚିକିତ୍ସା କରିବା ପାଇଁ ବୁର୍ଦୱାନ ମେଡିକାଲ କଲେଜ ଆଣ୍ଡ ହସ୍ପିଟାଲରେ ଭର୍ତ୍ତି କରାଯାଇଛି ।
