ନୂଆଦିଲ୍ଲୀ (ଏଟିଆର ବ୍ୟୁରୋ): କଂଗ୍ରେସକୁ ବହୁ ପଛରେ ପକାଇ ପଞ୍ଜାବ ଦଖଲ କଲା ଆମ୍ ଆଦମୀ ପାର୍ଟି (ଆପ୍) । ପଞ୍ଜାବ ନିର୍ବାଚନରେ ରେକର୍ଡ କରି ଦେଖାଇଲା ନିଜର ଜଲୱା । ଆପ୍ ର ଏହି ସଫଳତାକୁ ନେଇ ଅଭିନନ୍ଦନ ଜଣାଇଛନ୍ତି କଂଗ୍ରେସ ନେତା ନବଜୋତ ସିଂହ ସିଦ୍ଧୁ ।
ସିଦ୍ଧୁ ଟ୍ୱିଟ କରି କହିଛନ୍ତି କି, ‘ଜନତାଙ୍କ ସ୍ୱର ହେଉଛି ଇଶ୍ୱରଙ୍କ ସ୍ୱର’ । ପଞ୍ଜାବବାସୀଙ୍କ ମତକୁ ମୁଁ ସ୍ୱୀକାର କରିଛି ।
ପଞ୍ଜାବ ବିଧାନସଭା ନିର୍ବାଚନରେ ମୋଟ ୧୧୭ ଟି ସିଟ୍ ମଧ୍ୟରୁ ଆମ୍ ଆଦମୀ ପାର୍ଟି ୯୧ ଆସନ ନିଜ ନାଁ ରେ କରିଛି । କଂଗ୍ରେସ ୧୭ ଟି ସିଟ୍ ହାତେଇ ପଛରେ ରହି ଯାଇଛି ।
