ନୂଆଦିଲ୍ଲୀ (ଏଟିଆର ବ୍ୟୁରୋ): ଅନ୍ତରାଷ୍ଟ୍ରୀୟ ମହିଳା ଦିବସ ଅବସରରେ ସମାଜର ଭିନ୍ନ ଭିନ୍ନ କ୍ଷେତ୍ରର ମହିଳା ଏବଂ ସଂସ୍ଥାକୁ ନାରୀ ଶକ୍ତି ସମ୍ମାନ ପ୍ରଦାନ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ରାଷ୍ଟ୍ରପତି ଭବନରେ ଆୟୋଜିତ ହୋଇଥିବା ସ୍ୱତନ୍ତ୍ର କାର୍ଯ୍ୟକ୍ରମରେ ମହିଳାମାନଙ୍କୁ ଏହି ପୁରସ୍କାର ପ୍ରଦାନ କରାଯାଇଛି । ୩୪ ଜଣ ମହିଳା ଏବଂ ସଂସ୍ଥାକୁ ଏହି ନାରୀ ଶକ୍ତି ସମ୍ମାନ ପ୍ରଦାନ କରିଛନ୍ତି ରାଷ୍ଟ୍ରପତି ।
ପୁରସ୍କାର ଗ୍ରହଣ କରିଥିବା ମହିଳାମାନଙ୍କ ମଧ୍ୟରେ ବିଭିନ୍ନ ବର୍ଗର ମହିଳା ସାମିଲ ଅଛନ୍ତି । ଯେପରିକି ବ୍ୟବସାୟ, ବିଜ୍ଞାନ, ସମାଜ ସୁଧାର, ମନୋରଞ୍ଜନ ଏବଂ କଳା ଜଗତ ଆଦି । ଏହି ମହିଳାଙ୍କ ଯୋଗଦାନ ଉପରେ ରାଷ୍ଟ୍ରପତି ଖୁବ୍ ପ୍ରଶଂସା କରିବା ସହିତ କହିଛନ୍ତି କି ଝିଅମାନଙ୍କ ଜୀବନରେ ସୁଧାର ଆଣିବା ପ୍ରତ୍ୟେକ ନାଗରିକଙ୍କ କର୍ତ୍ତବ୍ୟ ।
ଯେଉଁ ମହିଳାମାନଙ୍କୁ ନାରୀ ଶକ୍ତି ସମ୍ମାନରେ ସମ୍ମାନିତ କରାଯାଇଛି, ସେମାନଙ୍କ ମଧ୍ୟରେ ପଦାଲା ଭୁଦେବୀ, ବୀନା ଦେବୀ, ଆରିଫା ଜାନ୍, ଚାମି ମୁର୍ମୁ, ନୀଲଜା ବାଙ୍ଗୁ, ରଶ୍ମୀ ଅର୍ଦ୍ଦବାଲେ, ମାନ କୌର, କଳାବତୀ ଦେବୀ, କୌଶିକି ଚକ୍ରବର୍ତ୍ତି, ଅବନି ଚକ୍ରବର୍ତ୍ତି, ଭାବନା କାନ୍ତ, ମହିମା ସିଂହ, ଭାଗିରଥୀ ଆମ୍ମା ଏବଂ କାରଥଲୀ ଆମ୍ମା ପ୍ରମୁଖ ସାମିଲ ଅଛନ୍ତି ।
