ନୂଆଦିଲ୍ଲୀ (ଏଟିଆର ବ୍ୟୁରୋ): ରାଷ୍ଟ୍ରପତି ନିର୍ବାଚନ ପାଇଁ ଘୋଷଣା ହେଲା ତାରିଖ । ଆସନ୍ତା ଜୁଲାଇ ୧୮ ରେ ହେବ ରାଷ୍ଟ୍ରପତି ନିର୍ବାଚନ । ସେହିପରି ଜୁଲାଇ ୨୧ ରେ ଘୋଷଣା ହେବ ଫଳାଫଳ । ଜୁନ୍ ୧୫ ରେ ଜାରି ହେବ ଅଧିସୂଚନା । ଏହାସହିତ ଜୁନ୍ ୨୯ ନାମାଙ୍କନ ପ୍ରକ୍ରିୟା ଦାଖଲ କରିବାର ଶେଷ ତାରିଖ । ଏନେଇ ସିଇସି ରାଜୀବ କୁମାର ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି ।
ଜୁଲାଇ ୨୪ ରେ ଶେଷ ହେଉଛି ରାଷ୍ଟ୍ରପତି ରାମନାଥ କୋବିନ୍ଦଙ୍କ କାର୍ଯ୍ୟକାଳ । ଏହାକୁ ଦୃଷ୍ଟିରେ ରଖି ଆଗାମୀ ରାଷ୍ଟ୍ରପତି ନିର୍ବାଚନର ତାରିଖ ଘୋଷଣା କରାଯାଇଛି । ରାଷ୍ଟ୍ରପତି ନିର୍ବାଚନ ପାଇଁ ଦିଲ୍ଲୀରେ ହିଁ ନାମାଙ୍କନ ପତ୍ର ଦାଖଲ କରାଯିବ ।
ସୂଚନାଯୋଗ୍ୟ ୨୦୧୭ ଜୁଲାଇ ୧୭ରେ ରାଷ୍ଟ୍ରପତି ନିର୍ବାଚନ୍ ହୋଇଥିବା ବେଳେ ୨୦ ରେ ଘୋଷିତ ହୋଇଥିଲା ଫଳାଫଳ ।
