ଚେନ୍ନାଇ (ଏଟିଆର ବ୍ୟୁରୋ): କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ବୁଝି ପାରୁ ନାହାଁନ୍ତି କେଉଁଠି କ’ଣ କରିବେ । କିଛି ଦିନ ପୂର୍ବରୁ ସଂସଦରେ ଭାଷଣ ଦେଇ ମୋଦୀଙ୍କୁ କୁଣ୍ଢାଇ ପକାଇଥିଲେ । ଯେଉଁଥି ପାଇଁ ଚାରିଆଡେ ତାଙ୍କର ଖୁବ୍ ଆଲୋଚନା ହେଉଥିଲା । ଗତକାଲି ପୁଣି ଥରେ ଏଭଳି ଏକ କାମ କରିଛନ୍ତି ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି ।

ପ୍ରକୃତରେ ଡିଏମ୍କେ ପାର୍ଟିର ନେତା ଏବଂ ତାମିଲନାଡୁର ପୂର୍ବ ମୁଖ୍ୟମନ୍ତ୍ରୀ କରୁଣାନିଧୀଙ୍କୁ ଗମ୍ଭୀର ଅବସ୍ଥାରେ ଚେନାଇର କାବେରୀ ହସ୍ପିଟାଲରେ ଭର୍ତ୍ତି କରାଯାଇଛି । ଗତକାଲି ତାଙ୍କୁ ରାହୁଲ ଗାନ୍ଧୀ ଭେଟିବାକୁ ଯାଇଥିଲେ କିନ୍ତୁ କରୁଣାନିଧୀଙ୍କୁ ଗମ୍ଭୀର ଅବସ୍ଥାରେ ଦେଖି ଦୁଃଖ ପ୍ରକାଶ କରିବା ବଦଳରେ ସେ ହସିକି ଫଟୋ ଉଠାଉଥିଲେ । ତାଙ୍କର ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏବଂ ଭାଜପାର ସଦସ୍ୟମାନେ ରାହୁଲଙ୍କର ଖୁବ୍ ମଜାକ୍ ଉଡାଉଛନ୍ତି ।

ଏନେଇ ସୋନମ ମହାଜନ ଟ୍ୱିଟ୍ କରି କହିଛନ୍ତି ଯେ, ‘ରାହୁଲ ଗାନ୍ଧୀ ସର୍ବଦା ଖରାପ ପରିସ୍ଥିତିରେ ଏଭଳି କାହିଁକି ହସୁଥାନ୍ତି’ ।