ନୂଆଦିଲ୍ଲୀ (ଏଟିଆର ବ୍ୟୁରୋ): ସେପ୍ଟମ୍ବର ୯ ଓ ୧୦ ତାରିଖରେ ଦିଲ୍ଲୀରେ ଅନୁଷ୍ଠିତ ହେବାକୁ ଯାଉଛି ଜି୨୦ ଶିଖର ସମ୍ମିଳନୀ । ଏନେଇ ସଜେଇ ହୋଇଛି ରାଜଧାନୀ ଦିଲ୍ଲୀ । ରଙ୍ଗବେରଙ୍ଗର ଆଲୋକମାଳାରେ ଝଲସି ଉଠୁଛି ଦିଲ୍ଲୀ ସହର । ପ୍ରଗତିମୈଦାନ ନିକଟବର୍ତ୍ତି ଭାରତ ମଣ୍ଡପରେ ଆୟୋଜିତ ହେବାକୁ ଥିବା ଏହି ବୈଠକରେ ଗୃପ-୨୦ ରାଷ୍ଟ୍ରର ମୁଖ୍ୟମାନେ ସାମିଲ ହେବେ । ଏନେଇ ସୁରକ୍ଷା ବ୍ୟବସ୍ଥା ମଧ୍ୟ କଡାକଡି କରାଯାଇଛି ।
ପୋଲିସ ଛାଉଣୀରେ ଦିଲ୍ଲୀ ସହର । ଆଲର୍ଟ ଅଛନ୍ତି ପାରାମିଲିଟାରୀ ଫୋର୍ସ ଓ ଏନଏସଜି ଟିମ୍ । ଦିଲ୍ଲୀ ଟ୍ରାଫିକ ପୋଲିସ ପକ୍ଷରୁ ସ୍ୱତନ୍ତ୍ର ଗାଇଡଲାଇନ୍ ମଧ୍ୟ ଜାରି କରାଯାଇଛି ।
