ନୂଆଦିଲ୍ଲୀ (ଏଟିଆର ବ୍ୟୁରେ): ମହାମାରୀ କରୋନାରୁ ରକ୍ଷା ପାଇବା ପାଇଁ ୨୧ ଦିନିଆ ଲକ୍ ଡାଉନ୍ ଘୋଷଣା କରାଯାଇଛି । ଇତି ମଧ୍ୟରେ ଲୋକଙ୍କ ମନରଞ୍ଜର ଏକ ମାତ୍ର ଉପାୟ ହେଉଛି ଟିଭି ଏବଂ ମୋବାଇଲ । ସେହିପରି ଲୋକଙ୍କ ଦାବି ଅନୁଯାୟୀ ପରଦାରେ ପୁନଃ ପ୍ରସାରଣ ହେଉଛି ମହାଭାରତ ଏବଂ ରାମାୟଣ । ମାତ୍ର ଏବେ ଛୁଆ ମାନଙ୍କ ମନରଞ୍ଜନ ପାଇଁ ପରଦାକୁ ଫେରିବେ ପ୍ରଥମ ସୁପର ହିରୋ । ଦୁରଦର୍ଶନ ଚ୍ୟାନେଲରେ ଏବେ ଶକ୍ତିମାନ ବି ପ୍ରସାରିତ ହେବ ।
ଶକ୍ତିମାନ ଚରିତ୍ରରେ ଅଭିୟନ କରିଥିବା ଅଭିନେତା ମୁକେଶ ଖାନ୍ନାଙ୍କ ଏକ ଭିଡିଓ ଏବେ ସାମ୍ନାକୁ ଆସିଛି । ଯେଉଁଥିରେ ସେ ରାମାୟଣ ଏବଂ ମହାଭାରତର ପୁନଃ ପ୍ରସାରଣକୁ ନେଇ ଖୁସୀ ଜାହିର କରିଛନ୍ତି । ଏହାପରେ ସେ କହିଛନ୍ତି କି, ମୁଁ ଆପଣଙ୍କୁ ଏକ ଖୁସୀ ଖବର ଶୁଣେଇବାକୁ ଚାହୁଁଛି । ବହୁତ ଶୀଘ୍ର ଆପଣମାନପଙ୍କ ମନପସନ୍ଦ ଧାରାବାହିକ ଶକ୍ତିମାନ ଆରମ୍ଭ ହେବ । ମାତ୍ର କେବେ ଆଉ କେତେବେଳେ ହେବ ତାହା ବହୁତ ଶୀଘ୍ର ଜଣାପଡିବ ।
ସେ କହିଛନ୍ତି କି, ବହୁତ ଶୀଘ୍ର ଶକ୍ତିମାନା ସିକ୍ୱିଲ ବି ଆସିବାକୁ ଯାଉଛି । ଗତ ତିନି ବର୍ଷ ହେବ ଆମେ ଶକ୍ତିମାନ ଦ୍ୱିତୀୟ ଏଡିସନ୍ ଉପରେ କାମ କରୁଛୁ । ଆମେ ଶକ୍ତିମାନର ସିକ୍ୱେଲ ଏଥିପାଇଁ କରୁଛୁ କାରଣ ଲୋକେ ଜାଣିବାକୁ ଚାହୁଁଛନ୍ତି କି ଶେଷ ମୁହୂର୍ତ୍ତରେ କଣ ହେଲା । ପରିସ୍ଥିତିରେ ସୁଧାର ଆସିବା ପରେ ଆମେ ସୋ’ କୁ ନେଇ ଆପଣଙ୍କ ନିକଟକୁ ଆସିବ । କାରଣ ଶକ୍ତିମାନ ର ବହୁତ ଚାହିଦା ରହିଛି ।
ଅନ୍ୟପଟେ ପ୍ରସାର ଭାରତୀ ପକ୍ଷରୁ କୁହାଯାଇଥିଲା କି, ୨୧ ଦିନିଆ ଲକ୍ ଡାଉନ୍ ଅବସରରେ ଡିଡି ନେସନାଲ ଏବଂ ଡିଡି ଭାରତୀରେ ଲୋକପ୍ରିୟ ଟିଭି ସୋ’ ପ୍ରସାରି କରାଯିବ ।
