ରାୟପୁର ( ଏଟିଆର ବ୍ୟୁରୋ): ଛତିଶଗଡର ନାରାୟଣପୁରରେ ଯବାନ ଯବାନଙ୍କ ମଧ୍ୟରେ ହୋଇଥିବା ମନାନ୍ତର ଉଗ୍ରରୂପ ନେବାରୁ ୬ ଯବାନଙ୍କ ପ୍ରାଣହାନୀ ହୋଇଛି । ଗଣ୍ଡଗୋଳ ତୀବ୍ର ହେବାରୁ ପରସ୍ପର ମଧ୍ୟରେ ଗୁଳି ବିନିମୟ ମଧ୍ୟ ହୋଇଛି । ତେବେ ଗୋଷ୍ଠୀ ସଂଘର୍ଷ କାହିଁକି ହୋଇଥିଲା ତାହା ଅସ୍ପଷ୍ଟ ରହିଛି ।
ଏନେଇ ସୂଚନା ଦେଇଛନ୍ତି ନାରାୟଣପୁର ଏସପି । ସୂଚନାଯୋଗ୍ୟ ଯବାନଙ୍କ ମଧ୍ୟରେ ତିନି ଚାରି ଦିନ ତଳୁ ମନାନ୍ତର ଓ ମତାନ୍ତର ଲାଗି ରହିଥିଲା । ଯାହା ଆଜି ଉଗ୍ରରୂପ ନେଇଥିଲା । ତେବେ ଯେଉଁ ଯବାନ ପ୍ରଥମେ ଗୁଳି ଚଳାଇଥିଲେ ସେ ନିଜକୁ ମଧ୍ୟ ଗୁଳି କରିଥିବା ସୂଚନା ମିଳିଛି । ଆହତ ମାନଙ୍କୁ ରାୟପୁର ଅଣାଯାଇଥିବା ସୂଚନା ମିଳିଛି ।
