ନୂଆଦିଲ୍ଲୀ (ଏଟିଆର ବ୍ୟୁରୋ) : କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ଏବେ ଅସୁସ୍ଥ ହୋଇ ପଡିଥିବା ସୂଚନା ମିଳିଛି । ସୂଚନା ଅନୁସାରେ ସୋନିଆ ସ୍ୱାସ୍ଥ୍ୟଗତ ସମସ୍ୟା ନେଇ ମେଡିକାଲରେ ଭର୍ତ୍ତି ହୋଇଛନ୍ତି । ପୂର୍ବରୁ ମଧ୍ୟ ସୋନିଆ ଶ୍ୱାସ ସମସ୍ୟାରେ ରହିଥିଲେ । ସେ ଏବେ ଦିଲ୍ଲୀରେ ଗଙ୍ଗାରାମ ହସ୍ପିଟାଲରେ ଚିକିତ୍ସିତ ହେଉଥିବା ଜଣାପଡିଛି । ଆଜି ତାଙ୍କୁ ରେଗୁଲାର ମେଡିକାଲ ଚିକିତ୍ସା ପାଇଁ ମେଡିକାଲରେ ଭର୍ତ୍ତିି କରାଯାଇଛି । ଗତ ୨ ବର୍ଷ ହେଲା ସୋନିଆଙ୍କ ସ୍ୱାସ୍ଥ୍ୟବସ୍ଥା ଠିକ ରହୁନାହିଁ ।
ଯେଉଁଥିପାଇଁ ସେ ଆଉ ଆଗଭଳି ନିର୍ବାଚନୀ ରାଲିରେ ଯୋଗ ଦେଇ ପାରୁ ନାହାନ୍ତି । ଅନ୍ୟପଟେ ଏବେ ଦିଲ୍ଲୀ ବିଧାନସଭା ନିର୍ବାଚନ ପାଇଁ ପ୍ରଚାର ଜୋରଦାର ଚାଲିଥିବା ବେଳେ ସୋନିଆଙ୍କ ଏହି ଅସୁସ୍ଥତା ଏବେ କଂଗ୍ରେସ ପାଇଁ ଚିନ୍ତାର କାରଣ ପାଲଟିଛି । ଦିଲ୍ଲୀ ନିର୍ବାଚନ ପ୍ରଚାରରେ ସୋନିଆ ଷ୍ଟାର ପ୍ରଚାରକ ତାଲିକାରେ ରହିଛନ୍ତିି । ସେପଟେ ବିଜେପି ପକ୍ଷରୁ ଆଜି ଦିଲ୍ଲୀର କଡକଡଡୁମାରୁ ପ୍ରଥମ ରାଲି ଆରମ୍ଭ କରୁଛନ୍ତି । ଆଜି ଏଠାରେ ମୋଦି ରାଲିରେ ଯୋଗ ଦେବା ସହିତ ଭୋଟରଙ୍କୁ ଉଦବୋଧନ ଦେବେ ।ସୂଚନା ଅନୁସାରେ ଫେବୃଆରୀ ୫ ତାରିଖ ପର୍ୟ୍ୟନ୍ତ ରାଜନୈତିକ ଦଳମାନେ ରାଲିର ଆୟୋଜନ କରିବେ । ସେହିଭଳି ଆସନ୍ତାକାଲି ମଧ୍ୟ ବିଜେପି ପକ୍ଷରୁ ଏକ ରାଲି କରାଯିବାର କାର୍ୟ୍ୟକ୍ରମ ରହିଛି ।
