ନୂଆଦିଲ୍ଲୀ (ଏଟିଆର ବ୍ୟୁରୋ): ବିମାନ ଯାତ୍ରୀଙ୍କ ପାଇଁ ଖୁସୀ ଖବର । ବିମାନ କମ୍ପାନୀ ସ୍ପାଇସଜେଟ୍ ପକ୍ଷରୁ କୁହାଯାଇଛି କି , ଆଗାମୀ ମାସ ଶେଷ ସୁଧା ଘରୋଇ ମାର୍ଗରେ ୨୦ଟି ନୂତନ ବିମାନ ଉଡାଣ ଆରମ୍ଭ ହେବ । ଏହି ଉଡାଣର ଶୁଭାରମ୍ଭ ମାର୍ଚ୍ଚ ୨୯ ରୁ ହେବ ।
ଏଥିରେ ପଟଣା-ଅମୃତସର,ପଟଣା-ବାରଣାସୀ, ପାଟଣା-ଗୋୱାହାଟି,ହାଇଦ୍ରାବାଦ-ମଙ୍ଗଲୁରୁ, ବେଙ୍ଗଲୁରୁ-ଜବଲପୁର ଏବଂ ମୁମ୍ବାଇ-ଔରାଙ୍ଗବାଦ ର ଉଡାଣ ସାମିଲ ହେବ । ଏହି ଉଡାଣ ସେବା ନିମୟିତ ପରିଚାଳିତ ହେବ । ଉଡାଣର ପରିଚାଳନ ବୋଇଙ୍ଗ ୭୩୭-୮୦୦ ଏବଂ ବମ୍ବାର୍ଡିୟର କ୍ୟୁ୪୦୦ ବିମାନ ଦ୍ୱାରା କରାଯିବ । ଏହି ଉଡାଣ ଦ୍ୱାରା ପ୍ରମୁଖ ବଡ ସହର ତଥା ଛୋଟ ସହର ମଧ୍ୟରେ ଯୋଗାଯୋଗ ସହଜ ହେବ ।
ଏନେଇ କମ୍ପାନୀର ମୁଖ୍ୟ ବାଣିଜ୍ୟକ ଅଧିକାରୀ ଶିଳ୍ପା ଭାଟିୟା କହିଛନ୍ତି । ଆମେ ୨୦ ନୁତନ ଉଡାଣ ଘୋଷଣାକୁ ନେଇ ଉତ୍ସାହିତ । ନୂତନ ସହର ଏବଂ ନୂତନ ଉଡାଣକୁ ଆମ ନେଟୱାର୍କରେ ସାମିଲ କରି ଆମର ଲକ୍ଷ ବଡ ସହର ସହ ଛୋଟ ସହରକୁ ଯୋଡିବା ।
