ନୂଆଦିଲ୍ଲୀ(ଏଟିଆର ବ୍ୟୁରୋ): ଆର ପାରିରେ ବଲିଉଡର ଯୁବ ଅଭିନେତା ସୁଶାନ୍ତ ସିଂହ ରାଜପୁତ । ମୁମ୍ବାଇ ସ୍ଥିତ ନିଜ ଘରେ ଫାଶି ଲଗାଇ ଆତ୍ମହତ୍ୟା କରିଥିବାର ସୂଚନା ମିଳିଛି । ପୋଲିସ ତାଙ୍କ ଝୁଲନ୍ତା ମୃତ ହେଦ ଉଦ୍ଧାର କରିଛି । ସୁଶାନ୍ତ ନିଜର ଅଭିନୟ କ୍ୟାରିୟର ଟିଭି ପରଦାରୁ ଆରମ୍ଭ କରିଥିଲେ । ସେ ଷ୍ଟାର ପ୍ଲସରେ ସିରିଏଲ କିସ ଦେଶ ହେ ମୋରା ଦିଲ୍ ରୁ ଆରମ୍ଭ କରିଥିଲେ ଅଭିନୟ ।
ସୁସାନ୍ତ ବଲିଉଡରେ Kai Po Che! ଫିଲ୍ମ ଦ୍ୱାରା ଏଣ୍ଟ୍ରି କରିଥିଲେ । ଏହା ପରେ ସେ Shuddh Desi Romance , Detective Byomkesh Bakshy!. PK , M.S. Dhoni: The Untold Story , Kedarnath ଭଲି ଫିଲ୍ମ କରିଥିଲେ। ସୁଶାନ୍ତଙ୍କୁ ଶେଷ ଥର ପାଇଁ Chhichhore ରେ ଫିଲ୍ମରେ ତାଙ୍କୁ ଦେଖିବାକୁ ମିଳିଥିଲା । ମୃତ୍ୟୁ ବେଳକୁ ତାଙ୍କୁ ୩୪ ବର୍ଷ ବୟସ ହୋଇଥିଲା । ତେବେ ସୁଶାନ୍ତ କଣ ପାଇଁ ଆତ୍ମହତ୍ୟା କରିଛନ୍ତି ତାହା ଜଣାପଡି ନାହିଁ । ତାଙ୍କ ବିୟୋଗରେ ବଲିଉଡର ବଡ ବଡ କଳାକାର ମାନେ ଶୋକ ପ୍ରକାଶ କରିଛନ୍ତି ।
