ନୂଆଦିଲ୍ଲୀ ( ଏଟିଆର ବ୍ୟୁରୋ): ଶପଥ ନେଲେ ସୁନ୍ଦରୀ ସାଂସଦ । ମଥାରେ ଝଟକୁଛି ସିନ୍ଦୂର । ମଥାରେ ସିନ୍ଦୂର ହାତରେ ଶଙ୍ଖା ତା ସହିତ ପାପୁଲିରେ ଝଟକୁଛି ମେହେନ୍ଦୀ । ସମ୍ପୂର୍ଣ୍ଣ ନବ ବଧୁ ବେଶରେ ଆଜ ି ସଂସଦରେ ଶପଥ ନେଇଛନ୍ତି ତୃଣମୁଳ କଂଗ୍ରେସର ନବ ନିର୍ବାଚିତ ସାଂସଦ ତଥା ଅଭିନେତ୍ରୀ ନୁସରତ ଜହାଁ । ନିକଟରେ ଏକ ବଡ ବ୍ୟବସାୟୀଙ୍କ ସହିତ ନୁସରତଙ୍କ ବିବାହ ସମ୍ପର୍ଣ୍ଣ ହୋଇଥିଲା ।
ବିବାହ ହେବାର ମାତ୍ର କିଛି ଦିନ ପରେ ତାଙ୍କୁ ସଂସଦରେ ଦେଖିବାକୁ ମିଳିଛି । ଏହି ଶପଥ ଗ୍ରହଣ ଉତ୍ସବେରେ ସମସ୍ତଙ୍କ ନଜର ନୁସରତଙ୍କ ଉପରେ ରହିଥିଲା । ଅନ୍ୟପଟେ ନୁସରତ ଶପଥ ଗ୍ରହଣ କରି ସାରିବା ପରେ ବାଚସ୍ପତି ଓମ ବିଲ୍ଲାଙ୍କ ପାଦ ସ୍ପର୍ଶ କରି ଆଶୀର୍ବାଦ ଗ୍ରହଣ କରିଛନ୍ତି ।
ସୂଚନାଯୋଗ୍ୟ ନୁସରତ ବଙ୍ଗଳା ଜଣେ ଜଣାଶୁଣା ଅଭିନେତ୍ରୀ । ଚଳିତ ମାସ ୧୯ ତାରିଖରେ କୋଲକତାର ଜଣେ ବଡ ବ୍ୟବସାୟୀ ନିଖିଲ୍ ଜୈନଙ୍କୁ ବିବାହ କରିଛନ୍ତି । ତୁର୍କୀର ବୋଡରମ ଠାରେ ହିନ୍ଦୁ ରୀତିନୀତିରେ ତାଙ୍କ ବିବାହ ସମ୍ପର୍ଣ୍ଣ ହୋଇଥିଲା । ଏହି ବାହାଘରରେ ଦୁଇ ପରିବାରର ବନ୍ଧୁ ଓ ପରିବାର ବର୍ଗ ଉପସ୍ଥିତ ଥିଲେ ।
