ରାଜସ୍ଥାନ ( ଏଟିଆର ବ୍ୟୁରୋ): ଦୁଇ ବସ ମୁହାଁ ମୁହିଁ ଧକ୍କା । ଦୁର୍ଘଟଣାରେ ୧୧ ଜଣଙ୍କର ମୃତ୍ୟୁ । ମୃତକଙ୍କ ମଧ୍ୟରେ ଶିଶୁ ରହିଥିବା ସୂଚନା । ଏମିତି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ରାଜସ୍ଥାନ ନାଗୋରର କୁଚାମନ ସହରରେ । ଆଜି ଭୋର ୩ ଟା ବେଳେ ଏହି ଅଘଟଣ ଘଟିଥିବା ଜଣା ପଡିଛି । ଦୁଇ ମିନି ଯାତ୍ରୀ ବାହି ବସ ପରସ୍ପରକୁ ଧକ୍କା ଦେଇଛି । ଏହି ଦୁର୍ଘଟଣାରେ ୧୧ ଜଣଙ୍କର ମୃତ୍ୟୁ ହୋଇଛି ।
ସେହିଭଳି ୧୨ ଜଣ ଗୁରୁତର ଆହତ ହୋଇଛନ୍ତି । କୁହାଯାଉଛି ଏକ ଷଣ୍ଢ ମଝି ରାସ୍ତାକୁ ଆସି ଯିବାରୁ ବସ ଦୁଇଟି ଭାରସ୍ୟାମ ହରାଇ ମୁହାଁ ମୁହିଁ ହୋଇଥିଲେ । ଖବର ପାଇ ସାରଧାରଣ ଲୋକ ଓ ଅଗ୍ନିଶମ ବାହିନୀ କର୍ମଚାରୀ ପହଞ୍ଚି ଲୋକମାନଙ୍କୁ ଉଦ୍ଧାର କରିଥିଲେ । ଆହତ ମାନଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଆହତଙ୍କ ମଧ୍ୟରୁ କେତେକଙ୍କ ଅବସ୍ଥା ଏବେବି ଗୁରୁତର ରହିଛି ।
