ଜାମ୍ମୁ-କାଶ୍ମୀର(ଏଟିଆର ବ୍ୟୁରୋ): ଜାମ୍ମୁ –କାଶ୍ମୀରର କୁଲଗାମରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି । ଫଳରେ ଦୁଇ ଜଣ ଆତଙ୍କବାଦୀ ନିହତ ହୋଇଥିବାର ଜଣାପଡିଛି । ସୂଚନା ଅନୁସାରେ ଗୁଇନ୍ଦା ବିଭାଗ କୁଲଗାମ ଅଞ୍ଚଳରେ ଆତଙ୍କବାଦୀ ମାନେ ଲୁଚି ରହିଥିବା ଖବର ପୋଲିସ ଓ ସୁରକ୍ଷାକର୍ମୀ ମାନଙ୍କୁ ଦେଇଥିଲେ । ଖବର ପାଇବା ମାତ୍ରେ ସୁରକ୍ଷାକର୍ମୀ ମାନେ ସମ୍ପୃକ୍ତ ଅଞ୍ଚଳକୁ ଘେରି ଯାଇଥିଲେ । ଏହା ସହ ସର୍ଚ୍ଚ ଅପରୋସନ ଆରମ୍ଭ କରିଥିଲେ । ସୁରକ୍ଷାକର୍ମୀ ମାନଙ୍କ ଘେରାବନ୍ଦୀକୁ ଦେଖିକି ଆତଙ୍କବାଦୀ ମାନେ ସେଠାରୁ ଖସିପଳାଇବାକୁ ଚେଷ୍ଟା କରିଥିଲେ । ସୁରକ୍ଷାକର୍ମୀ ମାନେ ସେମାନଙ୍କୁ ଆତ୍ମସର୍ମପଣ କରିବାକୁ କହିଥିଲେ ।
ହେଲେ ଆତଙ୍କବାଦୀ ମାନେ ଏହା ନଶୁଣି ଏକ ଗର ଭିତରେ ଲୁଚି ହୋଇ ରହିଥିଲେ । କିଛି ସମୟ ପରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଭୟଙ୍କର ଗୁଳିବିନିମୟ ହୋଇଥିଲା । ଫଳରେ ସୁରକ୍ଷାକର୍ମୀଙ୍କ ଗୁଳିରେ ଦୁଇ ଜଣ ଆତଙ୍କବାଦୀ ନିହତ ହୋଇଥିଲେ । ଉଭୟ ଆତଙ୍କୀ ହିଜ୍ବୁଲ୍ ମୁଜାହିଦ୍ଦିନ ବୋଲି ଜଣାପଡିଛି । କିନ୍ତୁ ବର୍ତ୍ତମାନ ସୁଦ୍ଧା ଉଭୟଙ୍କ ପରିଚୟ ହୋଇପାରିନାହିଁ । ସମ୍ପୃକ୍ତ ଅଞ୍ଚଳକରେ ସୁରକ୍ଷା କର୍ମୀ ମାନେ ସର୍ଚ୍ଚ ଅପରୋସନ ଜାରି ରଖିଛନ୍ତି ।
