ବାଲେଶ୍ୱର,(ଏଟିଆର ବ୍ୟୁରୋ): କାର ଦୁର୍ଘଟଣାରେ ଚାଲିଯାଇଛି ୩ଜଣଙ୍କ ଜୀବନ । ଏଥିରେ ଆଉ୨ଜଣ ମଧ୍ୟ ରକ୍ତାକ୍ତ ହୋଇଛନ୍ତି । ଶନିବାର ସକାଳେ ବାଲେଶ୍ୱର ରୁପ୍ସା ନିକଟରେ ଘଟିଥିବା ଏହି ଦୁର୍ଘଟଣା ଅତି ଭୟଙ୍କର ଥିଲା । ଦୁର୍ଘଟଣାରେ କାରଟି ପୂରା ଚୁରମାର ହୋଇଥିବା ବେଳେ ଘଟଣାସ୍ଥଳରେ ୩ଜଣ ଆଖି ବୁଜିଛନ୍ତି । ମୃତକଙ୍କ ପରିଚୟ ମିଳିନଥିବା ବେଳେ ସେମାନେ ପଶ୍ଚିମବଙ୍ଗର ବୋଲି ସୂଚନା ମିଳିଛି ।
ଆହତମାନଙ୍କୁ ପୁଲିସ ଉଦ୍ଧାର କରି ଚିକିତ୍ସା ଲାଗି ହସପିଟାଲରେ ଭର୍ତ୍ତି କରିଛି । ମିଳିଥିବା ରିପୋର୍ଟ ଅନୁସାରେ, ଏକ କାରରେ ୫ଜଣ ଆସୁଥିଲେ । ବାଲେଶ୍ୱର ରୁପ୍ସା ପାଖରେ ହଠାତ କାରଟି ଦୁର୍ଘଟଣାଗସ୍ତ ହୋଇଥିଲା । ଯେଉଁଥିରେ ଘଟଣାସ୍ଥଳରେ ୩ଜଣଙ୍କ ମୃତ୍ୟୁ ହୋଇଥିଲା । ବାକି ୨ଜଣ ଛଟପଟ ହେଉଥିବା ଦେଖି ସ୍ଥାନୀୟ ଲୋକେ ପୁଲିସକୁ ସୂଚନା ଦେଇଥିଲେ । ପୁଲିସ ପହଞ୍ଚି ଆହତଙ୍କୁ ଉଦ୍ଧାର କରିବା ସହ ମୃତଦେହକୁ ଜବତ କରି ବ୍ୟବଚ୍ଛେଦ ଲାଗି ହସପିଟାଲ ପଠାଇଛି । ସେପଟେ ଦୁର୍ଘଟଣାରେ ଗାଡିଟି ପୂରା ଚୁରମାର ହୋଇଯାଇଛି । ପୁଲିସ ଗାଡିଟିକୁ ଜବତ କରିଛି ।
