ଭୁବନେଶ୍ୱର (ଏଟିଆର ବ୍ୟୁରୋ ) ; ରାଜ୍ୟରେ ଡେଙ୍ଗୁର ପ୍ରକୋପ କମିନଥିବା ବେଳେ ଏବେ ଡାଇରିଆ ରୋଗକୁ ନେଇ ଚିନ୍ତା ବଢିବାରେ ଲାଗିଛି । କଳାହାଣ୍ଡି ଜିଲ୍ଲା କୋକସରା ବ୍ଲକରେ ଖେଳୁଛି ଡେଙ୍ଗୁ ଆତଙ୍କ । ବିଶେଷ କରି ଥୁଆମୁଳ ରାମପୁରରେ ଡାଇରିଆର ପ୍ରଭାବ ଅନେକ ମାତ୍ରାରେ ଦେଖାଦେଇଛି । ଗ୍ରାମରେ ଝାଡା ବାନ୍ତିରେ ୨ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ଅନ୍ୟପଟେ ଏବେ ଆଉ ୩ ଜଣ ଡାଇରିଆରେ ଆକ୍ରାନ୍ତ ହୋଇ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି ।
ତେବେ ଡାଇରିଆର ମୁକାବିଲା ଲାଗି ଗ୍ରାମରେ ଏକ ମେଡିକାଲ ଟିମ ପହଞ୍ଚିଛି । ସ୍ୱାସ୍ଥ୍ୟ ବିଭାଗ ତରଫରୁ ବିଭିନ୍ନ ଗ୍ରାମରେ ଡାଇରିଆ ଜନିତ ରୋଗର ପ୍ରତିକାର ପାଇଁ ସଚେତନତା ସୃଷ୍ଟି କରୁଛି । ବିଶେଷ କରି ପିଇବା ପାଣିର ସାମସ୍ୟା ଗ୍ରାମ ମାନଙ୍କରେ ରହିଥିବା ବେଳେ ସ୍ୱାସ୍ଥ୍ୟ ବିଭାଗ ପକ୍ଷରୁ ଗ୍ରାମରେ ଓଆରଏସ ପାଉଡର ବଣ୍ଟନ କରାଯାଉଛି ।
