ଭୁବନେଶ୍ୱର ( ଏଟିଆର ବ୍ୟୁରୋ ) ; ଜୈନ ମୁନି ତରୁଣ ସାଗରଙ୍କ ପରଲୋକ । ଦିଲ୍ଲୀ ସ୍ଥିତ ଶାହଦରା କୃଷ୍ଣନଗରରେ ଆଜି ତାଙ୍କର ମୃତ୍ୟୂ ହୋଇଥିବା ଜଣା ପଡିଛି । ଦୀର୍ଘ ଦିନ ହେବ ସେ ଜଣ୍ଡିସ ରୋଗରେ ପୀଡିତ ଥିଲେ ବୋଲି ଜଣାପଡିଛି । ତାଙ୍କ ଚିକିତ୍ସା ପାଇଁ ଦିଲ୍ଲୀ ସ୍ଥିତ ଏକ ଘରୋଇ ଡାକ୍ତରଖାନାରେ ତାଙ୍କୁ ଭର୍ତ୍ତୀ କରାଯାଇଥିଲେ ହେଁ ତାଙ୍କ ଦେହରେ କୌଣସି ଓøଷଧ କାମ କରିନଥିବା ଜଣାପଡିଛି । ଯାହା ଫଳରେ ଆଜି ଭୋର ୩ ଟା ୧୮ ମିନିଟରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ତେବେ ମୃତ୍ୟୁ ବେଳକୁ ତାଙ୍କୁ ୫୧ ବର୍ଷ ବୟସ ହୋଇଥିବା ଜଣାପଡିଛି । ଆଜି ଅପରାହ୍ନ ୩ଟା ବେଳେ ମେରଠ ହାଇୱେ ସ୍ଥିତ ତରୁଣସାଗରମ୍ ତୀର୍ଥରେ ତାଙ୍କ ଅନ୍ତିମ ସଂସ୍କାର କରାଯିବ। ତେବେ ତାଙ୍କ ଶେଷ ଯାତ୍ରା ଦିଲ୍ଲୀର ରାଧେପୁରରୁ ଆରମ୍ଭ ହୋଇ ୨୮ କିଲୋମିଟର ଦୂର ତରୁଣସାଗରମ୍ରେ ପହଞ୍ଚିବ।
ସେ ଜଣ୍ଡିସ ରୋଗରେ ପୀଡିତ ହୋଇଥିଲେ ହେଁ ଡାକ୍ତରଖାନା ଯିବାକୁ ଚହିଁନଥିଲେ ବରଂ କୃଷ୍ଣ ନଗରରେ ଥିବା ରାଧାପୁରୀ ଜୈନ ମନ୍ଦିରକୁ ଯିବାକୁ ଚାର୍ହୁଥିଲେ । ତାଙ୍କ ପ୍ରବଚନ ଶୌଳୀ ପାଇଁ ସେ ସବୁବେଳେ ଚର୍ଚ୍ଚାରେ ରହିଥିଲେ । ସେ ଦେଶର ବହୁ ରାଜ୍ୟର ବିଧାନସଭାରେ ନିଜ ପ୍ରବଚନ ଦେଇଛନ୍ତି ।
